გინდა დააგროვო მეტი ნერგი და გააძლიერო შენი ეკოკლუბის საქმიანობა? გვაქვს განსაკუთრებული შეთავაზება ნიკო კეცხოველი 2026-ის მონაწილე სკოლებისათვის!
რას გთავაზობთ?
მოძებნეთ სკოლა, რომელიც ჯერ არ არის ჩართული წლევანდელ კონკურსში.
დაგეგმეთ საინფორმაციო შეხვედრა ონლაინ, გააცანით კონკურსის წესები და ჩართეთ ნიკო კეცხოველი 2026-ში. ონლაინ-შეხვედრების ჩატარება შეგიძლიათ მხოლოდ ქვემოთ მითითებული რეგიონების წარმომადგენელ სკოლებთან:
o სამცხე-ჯავახეთი
o მცხეთა-მთიანეთი
o რაჭა-ლეჩხუმი და ქვემო სვანეთი
o თბილისი
მინიმუმ 3 ახალი სკოლის ჩართვის შემთხვევაში მიიღებთ დამატებით 300 ნერგს.
ყოველი მომდევნო ჩართული სკოლისთვის დაგემატებათ კიდევ 100 ნერგი.
რატომ არის ეს მნიშვნელოვანი?
სხვა სკოლებთან თანამშრომლობა ნიშნავს საერთო მიზნებისთვის გაერთიანებას. თქვენ გექნებათ შესაძლებლობა:
● დაგეგმოთ და განახორციელოთ ერთობლივი აქტივობები სხვადასხვა რეგიონის სკოლებთან.
● შექმნათ ახალი პარტნიორობები და შეიმუშაოთ მათთან ერთად ახალი იდეები.
● გააძლიეროთ გარემოსდაცვითი და სოციალური ცნობიერება ქვეყნის მასშტაბით.
დამატებითი ნერგების მისაღებად აუცილებელია:
ჩართოთ სკოლა, რომელიც ჯერ არ მონაწილეობს წლევანდელ კონკურსში.
დაგეგმოთ და განახორციელოთ საერთო ონლაინ-აქტივობა.
მნიშვნელოვანია:
● საკონკურსო გაცნობითი შეხვედრა ასევე შეფასდება, როგორც დამოუკიდებელი აქტივობა.
● კონკურსის ფარგლებში თქვენ მიერ ჩართულ სკოლებთან განხორციელებული ერთობლივი აქტივობაც შეფასდება შესაბამისი ნერგებით.
● 300 ნერგი დაგემატებათ მას შემდეგ, როცა მიიღებთ დასტურს თქვენ მიერ ჩართული 3 სკოლის რეგისტრაციის და თითოეულ მათგანთან მინიმუმ ერთი საერთო აქტივობის განხორციელების შესახებ.
● ამის შემდეგ ყოველ ახალ ჩართულ სკოლაზე დაგემატებათ 100 ნერგი.
გაერთიანდით და შეცვალეთ გარემო უკეთესობისკენ ერთობლივად!
წარმატებულ და აქტიურ საკონკურსო წელს გისურვებთ!
