Ხეების დარგვა სკოლის ეზოში
მდგრადი განვითარების მე-17 მიზანი გლობალური და ადგილობრივი პარტნიორობის მნიშვნელობას უსვამს ხაზს, რადგან საერთო გამოწვევების დაძლევა მხოლოდ ერთობლივი ძალისხმევითაა შესაძლებელი. სწორედ ამ პრინციპიდან გამომდინარე, ჩვენს სკოლაში ჩატარდა აქტივობა — „ხეების დარგვა სკოლის ეზოში“, რომლის ფარგლებშიც განსაკუთრებული აქტიურობა გამოიჩინეს დაბალკლასელებმა.
როგორც ფოტოებიდანაც ჩანს, პატარა მოსწავლეები დიდი ენთუზიაზმითა და მონდომებით ჩაერთნენ საქმეში: ისინი ერთობლივად ამუშავებდნენ მიწას, რგავდნენ პირველ ნერგებს და შემდგომ მათ მორწყვაზეც ზრუნავდნენ. უფროსების მხარდაჭერითა და პატარების დაუღალავი შრომით, სკოლის ეზოში ნამდვილად მეგობრული და გუნდური გარემო შეიქმნა.
აღნიშნულმა აქტივობამ დაგვანახა, რომ საერთო მიზნის გარშემო თუნდაც ყველაზე პატარების გაერთიანებას უდიდესი ძალა აქვს. ამ პროცესმა მოსწავლეებს პასუხისმგებლობის გრძნობა, ბუნებაზე ზრუნვის კულტურა და გუნდური მუშაობის უნარები განუვითარა, რაც მომავალი წარმატებული თანამშრომლობის საძირკველია.