ქარის გენერატორის მოდელის აწყობა
ოქტომბრის დასაწყისში ქვემო სობისის ეკოო კლუბის წევრებმა, რომლებიც ასევე STEAM კლუბის წევრებიც არიან, ავაწყეთ ქარის გენერატორი, რომელიც ქაარის მექანიკურ ენერგიას ტურბინის ფრთების მოძრაობისას ელექტრულ ენერგიად გარდაქმნის. STEAM ცოდნის გამოყენებით დავუმონტაჟეთ პატარა ლედ ნათურა და პიეზო მოწყობილობა, ამიტომ როდესაც გენერატორის ფრთები მოძრაობაში მოდის, ნათურა ინთება და პიეზო მუსიკალურ ხმებს ამოსცემს. მოგეხსენებათ გორში სოფელ ვარიანის მიმდებარედ სახელმწიფოს მიერ დამონტაჟებულია ქარის გენერატორები, რომლის პროტოტიპიც ჩვენ შევქმენით. შარშან გორის N10 საჯარო სკოლის ეკო კლუბის წევრებთან ერთად ვეწვიეთ მას და გავესაუბრეთ იქ მომუშავე პერსონალს, რომელთაგან მიღებული გამოცდილება გამოვიყენეთ ჩვენს მიერ აწყობილ მოწყობილობაში. გავიგეთ, რომ ელექტროენერგიის ეს წყარო არის ალტერნატიული წყარო, რადგან არ არის მუდმივი და საჭიროებს ქარის სიმძლავრეს, რომ ტურბინები ძლიერად დატრიალდეს. ჩვენს მიერ აწყობილ პროტოტიპშიც სუსტად დატრიალებისას ნათურა ბჟუტავს და ხმასაც მცირედ გამოსცემს, ხოლო როდესაც ელექტრო ფენით შევუბერეთ, ნათურა კაშკაშით აინთო და ხმაც ძლიერად გაისმა.