ილიაუნის სამეცნიერო პიკნიკში მონაწილეობა
ყოველწლიურად ქვემო სობისის საჯარო სკოლის მოსწავლეები ვმონაწილეობთ ილიაუნის მიერ ორგანიზებულ სამეცნიერო პიკნიკში, რომელიც სექტემბრის ბოლო შაბათს იმართება. (26 სექტემბერს). წელს ამ აქციაში ეკოკლუბის მოსწავლეებმა ვეცადეთ ვიზიტორებისთვის აგვემაღლებინა ეკოლოგიური განათლება. ჩიას ბამბაზე დათესლილი თესლებისაგან დავამზადეთ დედამიწის მოდელი, ვიზიტორებს უნდა ამოეცნოთ კონტინენტები, თვითოეულ კონტინენტისთვის სავიზიტო ცხოველი, მდინარე, მწვერვალი და სხვა... ასევე წაღებული გვქონდა სხვადასხვა ბოსტნეული, რომელსაც ვიზიტორების მონაწილეობით და ნიტრატომეტრის გამოყენებით გავუზომეთ ნიტრატების შემცველობა. ვიზიტორებს ჩავუტარეთ საგანმანათლებლო ლექცია, თუ რა შედეგი მოაქვს ზღვრულ დოზაზე მაღალ ნიტრატების შემცველობას და რა დაავადებები შეიძლება გამოიწვიოს მან. ასევე პატარა ვიზიტორებს ჩავუტარეთ მასტერკლასი,თუ როგორ უნდა გავიხეხოთ კბილები. ჩვენს მიერ დამზადებული პირის ღრუს მოდელით და ჯაგრისით ვასწავლეთ, თუ როგორი მოძრაობებით უკეთესია კბილების გამოხეხვა ისე, რომ მაქსიმალურად გავასუფთაოთ და არ დავაზიანოთ.