ᲨᲞᲡ ᲒᲘᲩᲘ-ᲡᲙᲝᲚᲐ ᲯᲔᲯᲘᲚᲘ

ჯეჯილის ეკოკლუბის მონაწილეობით და ორგანიზებით, მოსწავლეები სასწავლო-შემეცნებითი ვიზიტით სოფელ ხაშმში, „დიმიტრის ვენახს“ ეწვივნენ. მოზარდებმა მონაწილეობა მიიღეს სხვადასხვა საინტერესო აქტივობაში და ადგილზე გაეცვნენ ტრადიციული მევენახეობის თავისებურებებს. მოსწავლეებმა გაიაზრეს ყურძნისა და ვენახის განსაკუთრებული მნიშვნელობა ქართველი ადამიანის ცხოვრებაში, ისწავლეს, თუ როგორ უნდა მოვუაროთ ვაზს სწორად და რა უზარმაზარი სარგებლობა მოაქვს მას ჩვენთვის.

მსგავსი პროექტები ხელს უწყობს მოსწავლეთა პრაქტიკულ განვითარებასა და ადგილობრივი ტრადიციების პატივისცემას.

აღნიშნული პროექტო ემსახურება გაეროს მდგრადი განვითარების შემდეგ მიზნებს:

• მიზანი 4: ხარისხიანი განათლება – შემეცნებითი და პრაქტიკული აქტივობები აფართოებს მოსწავლეთა თვალსაწიერს.

• მიზანი 8: ღირსეული სამუშაო და ეკონომიკური ზრდა - გრო-ტურიზმისა და ადგილობრივი მეწარმეობის გაცნობა ხელს უწყობს რეგიონული ეკონომიკური საქმიანობის დაფასებას.

• მიზანი 12: პასუხისმგებლიანი მოხმარება და წარმოება – ადგილობრივი წარმოების, სოფლის მეურნეობისა და კულტურული მემკვიდრეობის გაცნობა.

• მიზანი 15: დედამიწის ეკოსისტემები – ბუნებასთან სიახლოვე, მცენარეთა მოვლის სწავლა და გარემოსდაცვითი ცნობიერების ამაღლება.

პროექტი განხორციელდა 25 ოქტომბერს.