ჩემი პირველი ნერგი — პირველკლასელებისა და ეკოკლუბელების ერთობლივი ზრუნვა ბუნებაზე
პროექტის „ჩემი პირველი ნერგი“ ფარგლებში, გელათის საჯარო სკოლის პირველკლასელებმა დიდი სიყვარულითა და ენთუზიაზმით დარგეს საკუთარი ნერგები. 🌱
პატარებს ხეების დარგვაში ეკოკლუბ „მწვანე პლანეტის“ წევრებიც ეხმარებოდნენ. ერთობლივმა საქმიანობამ ბუნებაზე ზრუნვა უფროსი და უმცროსი მოსწავლეების თანამშრომლობისა და ერთმანეთის მხარდაჭერის სასიამოვნო გამოცდილებად აქცია. 💚 ეკოკლუბელები პირველკლასელებს ნერგების მოვლაშიც დაეხმარებინ.
ამ პატარა ხეებთან ერთად ჩვენი პირველკლასელებიც გაიზრდებიან და ისწავლიან ბუნებაზე ზრუნვასა და პასუხისმგებლობას.
საქართველოს პრემიერ-მინისტრის განკარგულების საფუძველზე ხორციელდება პროგრამა „ჩემი პირველი ნერგი“, რომლის მიზანია ახალგაზრდების აქტიური ჩართულობით ხელი შეეწყოს:
💚 ტყისა და მწვანე სივრცეების აღდგენასა და ზრდას;
💚 ბიომრავალფეროვნების დაცვას;
💚 კლიმატის ცვლილების უარყოფითი ზემოქმედების შემცირებაში საზოგადოების მონაწილეობის გაზრდასა და მდგრადი განვითარების პრინციპების დამკვიდრებას;
💚 პროგრამის მიზნების დაკავშირებას ქვეყნის გრძელვადიან გარემოსდაცვით, კლიმატის ცვლილებისა და ტყის აღდგენის სახელმწიფო პოლიტიკასთან.