გადადი შინაარსზე
ყველა აქტივობასამეგრელო-ზემო სვანეთიმიზანი #4

ᲡᲡᲘᲞ ᲮᲝᲑᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ ᲡᲝᲤᲔᲚ ᲮᲔᲗᲘᲡ ᲡᲐᲯᲐᲠᲝ ᲡᲙᲝᲚᲐ

ხარისხიანი განათლება — 5 აქტივობა, სკოლის ეკოკლუბის აღწერით და ფოტოებით.

აქტივობა 01

შიდა სასკოლო ინტელექტუალური თამაში „რა? სად? როდის?“

ხეთის საჯარო სკოლაში გაიმართა შიდა სასკოლო ინტელექტუალური თამაში „რა? სად? როდის?“, რომელშიც მონაწილეობდნენ VIII, X, XI და XII კლასების მოსწავლეები.

ღონისძიების მიზანი მოსწავლეებში ინტელექტუალური შესაძლებლობების, ლოგიკური და კრიტიკული აზროვნების, სწრაფი გადაწყვეტილების მიღებისა და გუნდური მუშაობის უნარების განვითარება იყო. ამასთანავე, თამაში მიზნად ისახავდა სხვადასხვა კლასის მოსწავლეებს შორის თანამშრომლობის გაძლიერებას, ცოდნის გაზიარებასა და ჯანსაღი კონკურენციის წახალისებას.

თამაში საინტერესო და დინამიკურ გარემოში წარიმართა. მონაწილე გუნდებს მრავალფეროვან კითხვებზე პასუხის გაცემა უწევდათ, რაც მათგან ცოდნის, ლოგიკური მსჯელობის, დაკვირვებისა და გუნდური შეთანხმების უნარებს მოითხოვდა. მოსწავლეებმა გამოავლინეს შემოქმედებითი მიდგომა, ინტელექტუალური შესაძლებლობები და ერთმანეთთან ეფექტიანი თანამშრომლობის უნარი.

ინიციატივის შედეგად შეიქმნა დამატებითი საგანმანათლებლო შესაძლებლობა, სადაც მოსწავლეებმა საკლასო გარემოს მიღმა შეძლეს ცოდნის გამოყენება, საკუთარი შესაძლებლობების გამოცდა და ახალი გამოცდილების მიღება. ღონისძიებამ ასევე ხელი შეუწყო სკოლის მოსწავლეებს შორის ურთიერთობისა და თანამშრომლობის გაძლიერებას.

აქტივობა 02

ევროპის დღე

ხეთის საჯარო სკოლაში გაიმართა ევროპის დღეებისადმი მიძღვნილი საგანმანათლებლო ღონისძიება, რომლის მიზანი მოსწავლეებისთვის ევროპის ქვეყნების, მათი კულტურის, ისტორიის, ტრადიციებისა და მრავალფეროვნების გაცნობა იყო.

ღონისძიებაში მონაწილეობდნენ VIII და უფროსი კლასების მოსწავლეები. თითოეულმა კლასმა წარმოადგინა ევროპის ერთ-ერთი ქვეყანა და სხვადასხვა შემოქმედებითი და შემეცნებითი აქტივობის საშუალებით დამსწრეებს გააცნო მისი კულტურული თავისებურებები, ტრადიციები, ისტორიული ფაქტები, ღირსშესანიშნაობები და სხვა საინტერესო ინფორმაცია. მოსწავლეებმა შეძლეს, საკუთარი შემოქმედებითი მიდგომითა და გუნდური მუშაობით თითოეული ქვეყანა უფრო ახლოს გაეცნოთ სასკოლო საზოგადოებისთვის.

ღონისძიების ორგანიზებაში აქტიურად ჩაერთო სკოლის ეკოკლუბიც, რომლის წევრებმაც მონაწილეობა მიიღეს ინიციატივის დაგეგმვასა და განხორციელებაში. ეკოკლუბის ჩართულობამ ხელი შეუწყო მოსწავლეთა თანამშრომლობასა და სხვადასხვა საგანმანათლებლო აქტივობის ორგანიზებას.ღონისძიება მხოლოდ ინფორმაციის გაზიარებით არ შემოიფარგლებოდა მოსწავლეებმა საკუთარი შემოქმედებითობითა და გუნდური მუშაობით თითოეული ქვეყანა დამსწრეებისთვის ერთგვარ პატარა კულტურულ გამოცდილებად აქციეს.

პროექტის შედეგად მოსწავლეებმა გაიღრმავეს ცოდნა ევროპის ქვეყნების შესახებ, განივითარეს კვლევითი, პრეზენტაციის, შემოქმედებითი და გუნდური მუშაობის უნარები. ღონისძიებამ ხელი შეუწყო კულტურული მრავალფეროვნების დაფასებას, განსხვავებული ტრადიციების პატივისცემასა და საერთაშორისო ცნობიერების ამაღლებას.

აქტივობა 03

თეგეტა- გარემოსდაცვითი საგანმანათლებლო შეხვედრა

ლება და ნარჩენების მართვის თანამედროვე პრინციპების გაცნობა იყო. მონაწილეებმა მიიღეს ინფორმაცია ნარჩენების მართვის, ცირკულარული ეკონომიკის, რესურსების გონივრული გამოყენებისა და მწარმოებლის გაფართოებული ვალდებულების (მგვ) სისტემის შესახებ.

განსაკუთრებული ყურადღება დაეთმო პასუხისმგებლიანი მოხმარების მნიშვნელობას, ნარჩენების შემცირებასა და რესურსების ხელახალი გამოყენების შესაძლებლობებს. შეხვედრაში ეკოკლუბის წევრების ჩართულობამ ხელი შეუწყო გარემოსდაცვითი საკითხების მიმართ მოსწავლეთა ინტერესის გაძლიერებასა და მიღებული ცოდნის სასკოლო საქმიანობაში გამოყენების შესაძლებლობას.

ინიციატივაში ჩაერთნენ ხეთის საჯარო სკოლის მოსწავლეები და ეკოკლუბის წევრები, ხოლო საგანმანათლებლო შეხვედრის ორგანიზებაში მონაწილეობდნენ „თეგეტა გრინ პლანეტა“ და UNDP.

შეხვედრის შედეგად მოსწავლეებმა გაიღრმავეს ცოდნა გარემოსდაცვით საკითხებზე, უკეთ გაიაზრეს საკუთარი როლი ნარჩენების შემცირებასა და გარემოს დაცვაში და გაეცნენ მდგრადი მოხმარების პრაქტიკულ პრინციპებს. ინიციატივა ასევე ხელს უწყობს ეკოკლუბის საქმიანობის გაძლიერებასა და სკოლაში ეკოლოგიურად პასუხისმგებლიანი კულტურის ჩამოყალიბებას.

აქტივობა 04

აგრო-ლაბორატორიის გახსნა

ლო სათბური, რომელიც აღჭურვილია მზის ენერგიის სისტემით, წვიმის წყლის შეგროვებისა და გამოყენების ინფრასტრუქტურით, ნიადაგის ტენიანობის კონტროლის ტექნოლოგიითა და ავტომატიზებული წვეთოვანი მორწყვით.

აგრო-ლაბორატორიის მთავარი მიზანია მოსწავლეებისთვის მდგრადი სოფლის მეურნეობისა და თანამედროვე მწვანე ტექნოლოგიების პრაქტიკული სწავლების შესაძლებლობის შექმნა. ეს სივრცე მოსწავლეებს საშუალებას აძლევს, თეორიული ცოდნა პრაქტიკაში გამოიყენონ, ჩაატარონ დაკვირვებები, შეისწავლონ მცენარეთა მოვლის თანამედროვე მეთოდები და განივითარონ კვლევითი, ტექნოლოგიური და გარემოსდაცვითი უნარები.

პროექტის ფარგლებში ჩატარდა ორდღიანი საგანმანათლებლო პროგრამაც, რომელშიც მონაწილეობდნენ მოსწავლეები, პედაგოგები და ადგილობრივი თემის წარმომადგენლები. მონაწილეები გაეცნენ კლიმატის ცვლილების საკითხებს, მდგრადი სოფლის მეურნეობის პრინციპებსა და მცენარეთა მოვლის თანამედროვე მეთოდებს. ამგვარად, ინიციატივა მხოლოდ სასკოლო ინფრასტრუქტურის გაუმჯობესებას არ ემსახურება — ის ხელს უწყობს გარემოსდაცვით განათლებას და ადგილობრივი საზოგადოების ჩართულობასაც.

პროექტის განხორციელებაში მონაწილეობდნენ ხეთის საჯარო სკოლა, Caucasus Green Academy (CGA), გაეროს განვითარების პროგრამა (UNDP), დანიის მთავრობა, პედაგოგები, მოსწავლეები და ადგილობრივი თემის წარმომადგენლები.

ინიციატივის შედეგად სკოლაში შეიქმნა პრაქტიკული სწავლების თანამედროვე სივრცე, დაინერგა წყლისა და ენერგიის რესურსების დაზოგვის ტექნოლოგიები და მოსწავლეებს მიეცათ შესაძლებლობა, უშუალოდ ჩაერთონ მდგრადი სოფლის მეურნეობის პროცესებში. პროექტი ხელს უწყობს გარემოსდაცვითი ცნობიერების ამაღლებას და ახალგაზრდების მომზადებას კლიმატის ცვლილებასთან დაკავშირებული გამოწვევებისთვის.

ყველა ფოტო (7)
აქტივობა 05

ეკო-სივრცის “ოდისეას” გახსნა

პროექტის განხორციელებაში აქტიურად ჩაერთო ხეთის საჯარო სკოლის მოსწავლეთა გუნდი „ოდისეა“, რომლის წევრებმა იდეის შემუშავებიდან მის რეალიზებამდე მნიშვნელოვანი სამუშაო გასწიეს. ინიციატივის მხარდაჭერაში მონაწილეობდნენ UNDP, დანიის მთავრობა და PMCG. პროექტის ბენეფიციარები არიან როგორც ხეთის საჯარო სკოლის მოსწავლეები, ისე ხობის მუნიციპალიტეტის სხვა ახალგაზრდები და ადგილობრივი საზოგადოება.

ეკო-სივრცის შექმნამ მნიშვნელოვანი ცვლილებები მოიტანა სასკოლო გარემოში. სკოლაში გაჩნდა ადგილი, სადაც ახალგაზრდებს შეუძლიათ არა მხოლოდ თეორიული ცოდნის მიღება, არამედ პრაქტიკული ექსპერიმენტების ჩატარება, ახალი ტექნოლოგიების გაცნობა, გუნდური მუშაობა და საკუთარი იდეების განხორციელება. ამასთანავე, გაიზარდა გარემოსდაცვით აქტივობებში ჩართვის შესაძლებლობა, ახალგაზრდებს გაუჩნდათ არაფორმალური განათლების მიღების საშუალება საკუთარ სოფელში და გაძლიერდა ეკოლოგიური ცნობიერების ამაღლების პროცესი. „ოდისეა“ იქცა სივრცედ, რომელიც განათლებას, ინოვაციებსა და გარემოზე ზრუნვას აერთიანებს.

ყველა ფოტო (8)
იტვირთება…