გადადი შინაარსზე
ყველა აქტივობასამეგრელო-ზემო სვანეთიმიზანი #12

ᲡᲡᲘᲞ ᲮᲝᲑᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ ᲡᲝᲤᲔᲚ ᲮᲔᲗᲘᲡ ᲡᲐᲯᲐᲠᲝ ᲡᲙᲝᲚᲐ

გონივრული მოხმარება და წარმოება — 4 აქტივობა, სკოლის ეკოკლუბის აღწერით და ფოტოებით.

აქტივობა 01

თეგეტა- გარემოსდაცვითი საგანმანათლებლო შეხვედრა

ლება და ნარჩენების მართვის თანამედროვე პრინციპების გაცნობა იყო. მონაწილეებმა მიიღეს ინფორმაცია ნარჩენების მართვის, ცირკულარული ეკონომიკის, რესურსების გონივრული გამოყენებისა და მწარმოებლის გაფართოებული ვალდებულების (მგვ) სისტემის შესახებ.

განსაკუთრებული ყურადღება დაეთმო პასუხისმგებლიანი მოხმარების მნიშვნელობას, ნარჩენების შემცირებასა და რესურსების ხელახალი გამოყენების შესაძლებლობებს. შეხვედრაში ეკოკლუბის წევრების ჩართულობამ ხელი შეუწყო გარემოსდაცვითი საკითხების მიმართ მოსწავლეთა ინტერესის გაძლიერებასა და მიღებული ცოდნის სასკოლო საქმიანობაში გამოყენების შესაძლებლობას.

ინიციატივაში ჩაერთნენ ხეთის საჯარო სკოლის მოსწავლეები და ეკოკლუბის წევრები, ხოლო საგანმანათლებლო შეხვედრის ორგანიზებაში მონაწილეობდნენ „თეგეტა გრინ პლანეტა“ და UNDP.

შეხვედრის შედეგად მოსწავლეებმა გაიღრმავეს ცოდნა გარემოსდაცვით საკითხებზე, უკეთ გაიაზრეს საკუთარი როლი ნარჩენების შემცირებასა და გარემოს დაცვაში და გაეცნენ მდგრადი მოხმარების პრაქტიკულ პრინციპებს. ინიციატივა ასევე ხელს უწყობს ეკოკლუბის საქმიანობის გაძლიერებასა და სკოლაში ეკოლოგიურად პასუხისმგებლიანი კულტურის ჩამოყალიბებას.

აქტივობა 02

აგრო-ლაბორატორიის გახსნა

ლო სათბური, რომელიც აღჭურვილია მზის ენერგიის სისტემით, წვიმის წყლის შეგროვებისა და გამოყენების ინფრასტრუქტურით, ნიადაგის ტენიანობის კონტროლის ტექნოლოგიითა და ავტომატიზებული წვეთოვანი მორწყვით.

აგრო-ლაბორატორიის მთავარი მიზანია მოსწავლეებისთვის მდგრადი სოფლის მეურნეობისა და თანამედროვე მწვანე ტექნოლოგიების პრაქტიკული სწავლების შესაძლებლობის შექმნა. ეს სივრცე მოსწავლეებს საშუალებას აძლევს, თეორიული ცოდნა პრაქტიკაში გამოიყენონ, ჩაატარონ დაკვირვებები, შეისწავლონ მცენარეთა მოვლის თანამედროვე მეთოდები და განივითარონ კვლევითი, ტექნოლოგიური და გარემოსდაცვითი უნარები.

პროექტის ფარგლებში ჩატარდა ორდღიანი საგანმანათლებლო პროგრამაც, რომელშიც მონაწილეობდნენ მოსწავლეები, პედაგოგები და ადგილობრივი თემის წარმომადგენლები. მონაწილეები გაეცნენ კლიმატის ცვლილების საკითხებს, მდგრადი სოფლის მეურნეობის პრინციპებსა და მცენარეთა მოვლის თანამედროვე მეთოდებს. ამგვარად, ინიციატივა მხოლოდ სასკოლო ინფრასტრუქტურის გაუმჯობესებას არ ემსახურება — ის ხელს უწყობს გარემოსდაცვით განათლებას და ადგილობრივი საზოგადოების ჩართულობასაც.

პროექტის განხორციელებაში მონაწილეობდნენ ხეთის საჯარო სკოლა, Caucasus Green Academy (CGA), გაეროს განვითარების პროგრამა (UNDP), დანიის მთავრობა, პედაგოგები, მოსწავლეები და ადგილობრივი თემის წარმომადგენლები.

ინიციატივის შედეგად სკოლაში შეიქმნა პრაქტიკული სწავლების თანამედროვე სივრცე, დაინერგა წყლისა და ენერგიის რესურსების დაზოგვის ტექნოლოგიები და მოსწავლეებს მიეცათ შესაძლებლობა, უშუალოდ ჩაერთონ მდგრადი სოფლის მეურნეობის პროცესებში. პროექტი ხელს უწყობს გარემოსდაცვითი ცნობიერების ამაღლებას და ახალგაზრდების მომზადებას კლიმატის ცვლილებასთან დაკავშირებული გამოწვევებისთვის.

ყველა ფოტო (7)
აქტივობა 03

ეკო-სივრცის “ოდისეას” გახსნა

პროექტის განხორციელებაში აქტიურად ჩაერთო ხეთის საჯარო სკოლის მოსწავლეთა გუნდი „ოდისეა“, რომლის წევრებმა იდეის შემუშავებიდან მის რეალიზებამდე მნიშვნელოვანი სამუშაო გასწიეს. ინიციატივის მხარდაჭერაში მონაწილეობდნენ UNDP, დანიის მთავრობა და PMCG. პროექტის ბენეფიციარები არიან როგორც ხეთის საჯარო სკოლის მოსწავლეები, ისე ხობის მუნიციპალიტეტის სხვა ახალგაზრდები და ადგილობრივი საზოგადოება.

ეკო-სივრცის შექმნამ მნიშვნელოვანი ცვლილებები მოიტანა სასკოლო გარემოში. სკოლაში გაჩნდა ადგილი, სადაც ახალგაზრდებს შეუძლიათ არა მხოლოდ თეორიული ცოდნის მიღება, არამედ პრაქტიკული ექსპერიმენტების ჩატარება, ახალი ტექნოლოგიების გაცნობა, გუნდური მუშაობა და საკუთარი იდეების განხორციელება. ამასთანავე, გაიზარდა გარემოსდაცვით აქტივობებში ჩართვის შესაძლებლობა, ახალგაზრდებს გაუჩნდათ არაფორმალური განათლების მიღების საშუალება საკუთარ სოფელში და გაძლიერდა ეკოლოგიური ცნობიერების ამაღლების პროცესი. „ოდისეა“ იქცა სივრცედ, რომელიც განათლებას, ინოვაციებსა და გარემოზე ზრუნვას აერთიანებს.

ყველა ფოტო (8)
აქტივობა 04

საინფორმაციო შეხვედრა ბიომრავალფეროვნებაზე

ჩვენმა გუნდმა წარმატებით განახორციელა საინტერესო და მნიშვნელოვანი საგანმანათლებლო აქტივობა ჩვენი სკოლის ეკო-სივრცეში, რომელიც მიძღვნილი იყო ბიომრავალფეროვნების დაცვისა და ცნობიერების ამაღლებისადმი. ღონისძიებაში განსაკუთრებული ინტერესითა და ენთუზიაზმით ჩაერთვნენ მე-8 კლასის მოსწავლეები.შეხვედრის ფარგლებში მათ წარვუდგინეთ ვრცელი პრეზენტაცია საქართველოს უნიკალურ ბიომრავალფეროვნებაზე, ჩვენს ქვეყანაში არსებულ იშვიათ ფლორასა და ფაუნაზე.

პრეზენტაციის მსვლელობისას მოსწავლეებმა დეტალურად გაიგეს, თუ რა მნიშვნელობა აქვს ეკოლოგიურ ბალანსს, რატომ არის აუცილებელი ადგილობრივი ენდემური სახეობების შენარჩუნება და რა საფრთხეები ემუქრება ბუნებრივ გარემოს. განსაკუთრებული ყურადღება დაეთმო პრაქტიკულ რჩევებს: როგორ მოუფრთხილდნენ ბუნებას ყოველდღიურობაში, როგორ შეამცირონ ნარჩენები, გაუფრთხილდნენ წყალსა და ენერგიას და იზრუნონ ადგილობრივი ეკოსისტემების შენარჩუნებაზე.

შეხვედრის დასასრულს, მოსწავლეების მიერ მიღებული ცოდნის შესამოწმებლად და გასამყარებლად, ჩავატარეთ ინტერაქტიული ვიქტორინა „კაჰუტი“ (Kahoot), რამაც ღონისძიება კიდევ უფრო სახალისო და დინამიკური გახადა.

აქტივობის შედეგად თვალსაჩინოდ შეიცვალა მოსწავლეების განწყობა და დამოკიდებულება გარემოსდაცვითი საკითხების მიმართ მათ გააცნობიერეს, რომ პატარა ნაბიჯებსაც კი დიდი ცვლილებების მოტანა შეუძლია. იმისათვის, რომ კიდევ უფრო გაუმჯობესდნენ, მოსწავლეებმა დაგეგმეს სამომავლო ნაბიჯები: სკოლის ტერიტორიაზე ხეების დარგვა, დასუფთავების აქციების მოწყობა და მიღებული ცოდნის სხვა თანატოლებისთვის გაზიარება.

იტვირთება…