სიკეთის გაზიარება და თანადგომა
საქველმოქმედო ფესტივალის დასრულების შემდეგ, შულავერის #1 საჯარო სკოლის ეკოკლუბის წევრებმა მიღებული შემოსავლის ნაწილი მიზნობრივად მიმართეს ადამიანების დასახმარებლად. ფესტივალზე შეგროვებული თანხის ნაწილი, 100 ლარი ჩაერიცხა სიმსივნით დაავადებულ ქალს, ნანა გაბაიძეს, ხოლო თანხის მეორე ნაწილი, 400 ლარი და დამატებით შეგროვებული სურსათ-სანოვაგე გადაეცა 20 წლის შშმ პირს, ნიკოლოზ მახათაძეს, რომელსაც ჯანმრთელობის მძიმე პრობლემები აქვს, ვერც დადის, საფენებზეა და ყოველდღიურად მხოლოდ ბებია უვლის.
აღნიშნული ინიციატივით მოსწავლეებმა პრაქტიკულად გამოხატეს თანაგრძნობა, მზრუნველობა და სოციალური პასუხისმგებლობა. მათ გააცნობიერეს, რომ ქველმოქმედება მხოლოდ მატერიალური დახმარება არ არის, ეს არის ყურადღება, ადამიანური სითბო და სხვისი გასაჭირის გაზიარება.
აქტივობამ კიდევ ერთხელ დაადასტურა, რომ პატარა სიკეთესაც შეუძლია დიდი მნიშვნელობა ჰქონდეს ადამიანის ცხოვრებაში.
ეკოკლუბის მთავარი გზავნილი: ბუნებაზე ზრუნვასთან ერთად მნიშვნელოვანია ადამიანებზე ზრუნვაც.