გარემოსდაცვითი ცნობიერების ამაღლება საინფორმაციო შეხვედრით
სსიპ რომან ზოიძის სახელობის მარნეულის მუნიციპალიტეტის შულავერის #1 საჯარო სკოლის სამოქალაქო კლუბ "თემიდასა" და ეკოკლუბ გამონათების წევრები ახალი სასწავლო წლიდან კვლავ აქტიურად აგრძელებენ როგორც გარემოსდაცვით საქმიანობებს, ისე მდგრადი განვითარების სხვადასხვა მიზნებზე მიმართულ აქტივობებზე მუშაობას. ეკოკლუბის წევრებმა 5 ოქტომბერს მე-5 და მე-6 კლასის მოსწავლეებისთვის გარემოსდაცვით თემაზე საინფორმაციო-საგანმანათლებლო შეხვედრა გამართეს. მათ თანატოლებს ესაუბრნენ გარემოს დაცვის მნიშვნელობაზე, ბუნებრივი რესურსების გაფრთხილებასა და თითოეული ადამიანის პასუხისმგებლობაზე გარემოს წინაშე.
შეხვედრის მონაწილეებს სთხოვეს, საკუთარი დამოკიდებულება გარემოსდაცვითი საკითხების მიმართ ნახატებითა და პოსტერებით გამოეხატათ.
მეორე დღეს ექვსმა მოსწავლემ საკუთარი ნამუშევრები წარმოადგინა თანატოკების წინაშე, ნაწილმა კი სიტყვიერად გაუზიარა მოსაზრებები და დამოკიდებულებები.
აქტივობის მიზანი იყო მოსწავლეებში გარემოსდაცვითი ცნობიერების ამაღლება, შემოქმედებითი თვითგამოხატვის ხელშეწყობა და იმის გააზრება, რომ ბუნებაზე ზრუნვა თითოეული ჩვენგანის პასუხისმგებლობაა.