ფილმის „ ხელშეუხებელნი“ ჩვენება
ხიდისთავის საჯარო სკოლის ეკოკლუბ „EKOteens“-ის წევრებმა 2026 წლის 16 ოქტომბერს მოსწავლეებისთვის ფილმის ჩვენება და დისკუსია მოაწყვეს, რომლის დროსაც მათ ცნობილ ფრანგულ მხატვრულ ფილმს — „ხელშეუხებლები“ (Intouchables) უყურეს. ფილმი მოგვითხრობს რეალურ ამბავზე დამყარებულ ისტორიას არისტოკრატ ფილიპსა და მის დამხმარე დრისს შორის, სადაც სრულიად განსხვავებული სოციალური ფენისა და შესაძლებლობების მქონე ადამიანების მეგობრობა იბადება. მიუხედავად ფიზიკური და სოციალური ბარიერებისა, ფილმი გვანახებს ურთიერთპატივისცემის, სოლიდარობისა და ადამიანური ღირსების ძალას. ფილმის შემდეგ მოსწავლეებმა ისაუბრეს თანასწორობაზე, სოციალურ ინკლუზიასა და იმ გარემოს მნიშვნელობაზე, სადაც თითოეულ ადამიანს აქვს განვითარების თანაბარი შესაძლებლობა.
აღნიშნული აქტივობა პირდაპირ უკავშირდება მდგრადი განვითარების რამდენიმე ძირითად მიზანს: მე-10 მიზანს (შემცირებული უთანასწორობა), რომელიც გვახსენებს სოციალური ბარიერების დაძლევისა და ინკლუზიის აუცილებლობას; მე-3 მიზანს ( ჯანმრთელობა და კეთილდღეობა), რომელიც ხაზს უსვამს ადამიანის ფიზიკურ და ემოციურ მხარდაჭერას; მე-11 მიზანს (მდგრადი ქალაქები და დასახლებები), რომელიც ხელმისაწვდომი და ადაპტირებული გარემოს შექმნას ითვალისწინებს; და მე-4 მიზანს (ხარისხიანი განათლება), რომელიც მოსწავლეთა ემპათიასა და კრიტიკულ აზროვნებას უწყობს ხელს. ეკოკლუბ „EKOteens“-ის წევრებს მიაჩნიათ, რომ ასეთი შეხვედრები ეხმარება ბავშვებს, უკეთ გაიგონ სოციალური ეკოლოგიის საკითხები და დაიჯერონ, რომ მზრუნველობითა და თანადგომით შესაძლებელია უკეთესი საზოგადოების მშენებლობა.