ᲡᲡᲘᲞ ᲛᲐᲠᲜᲔᲣᲚᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ ᲡᲝᲤᲔᲚ ᲐᲮᲐᲚᲘ ᲓᲘᲝᲙᲜᲘᲡᲘᲡ ᲡᲐᲯᲐᲠᲝ ᲡᲙᲝᲚᲐ

ჩვენი სკოლის მოსწავლეებმა კიდევ ერთი მნიშვნელოვანი ნაბიჯი გადადგეს გარემოზე ზრუნვისა და სკოლის ეზოს გალამაზებისკენ. სკვერის მოწყობის იდეის განხორციელების მიზნით, ბავშვებმა ამა წლის 15 ოქტომბერს სკოლაში ძველი საბურავები მოიტანეს, რომლებსაც ახალ სიცოცხლეს შევძენთ და სასარგებლო, ლამაზ დეკორატიულ ელემენტებად ვაქცევთ.

ეს ინიციატივა მხოლოდ სკვერის მოწყობას არ გულისხმობს. მისი მთავარი მიზანია მოსწავლეებში გარემოსდაცვითი ცნობიერების ამაღლება, შრომის სიყვარულის, პასუხისმგებლობისა და გუნდური მუშაობის უნარების განვითარება. ბავშვები საკუთარი მონაწილეობით სწავლობენ, რომ თითოეულ ადამიანს შეუძლია წვლილი შეიტანოს გარემოს გაუმჯობესებაში და ერთი პატარა წამოწყებით დიდი ცვლილების საფუძველი შექმნას.

განსაკუთრებით სასიხარულოა მათი მონდომება, აქტიურობა და სურვილი, საკუთარი ხელით შექმნან ლამაზი და სასიამოვნო სივრცე.

გვჯერა, რომ ერთობლივი ძალისხმევით ჩვენი სკოლის ეზო კიდევ უფრო გამწვანდება, გალამაზდება და მოსწავლეებისთვის საყვარელ დასასვენებელ ადგილად იქცევა.

ვქმნით დღეს, ვუფრთხილდებით ხვალინდელ დღეს!

ჩვენი გუნდი – „ეკო მეწარმეთა მწვანე გუნდი“ – აქტიურად ერთვება გარემოს დაცვისა და გამწვანების ინიციატივაში. გვჯერა, რომ ბუნებაზე ზრუნვა თითოეული ადამიანის პასუხისმგებლობაა და პატარა კეთილი საქმეებიც კი დიდ ცვლილებებს იწვევს.

გამწვანების აქციის ფარგლებში ვრგავთ ნერგებს, ვალამაზებთ გარემოს და ვცდილობთ, ჩვენი საცხოვრებელი და სასკოლო სივრცე უფრო სუფთა, მწვანე და ჯანსაღი გავხადოთ. მიმდინარე წლის 13 ოქტომბერს სამოქალაქო განათლების წამყვანმა მასწავლებელმა სკოლას აჩუქა 10 ძირი ნაძვი, რომლებიც ჩვენმა გუნდმა ხალისით დარგო სკოლის ეზოში. თითოეული დარგული მცენარე სიცოცხლის, იმედისა და მომავლის სიმბოლოა. ხეები გვჩუქნიან ჟანგბადს, გვიცავენ სიცხისგან, ალამაზებენ გარემოს და მრავალი ცოცხალი ორგანიზმისთვის ქმნიან სასიცოცხლო პირობებს.

ჩვენი მიზანია, არა მხოლოდ თავად ვიზრუნოთ ბუნებაზე, არამედ სხვებსაც გავუღვივოთ გარემოსდაცვითი პასუხისმგებლობა. გვინდა, ახალგაზრდებმა გაიაზრონ, რომ ბუნების დაცვა მხოლოდ სიტყვებით არ შემოიფარგლება – ამისთვის საჭიროა მოქმედება, შრომა და ერთიანობა.

ჩვენ ვირჩევთ მწვანე მომავალს, რადგან გვჯერა, რომ ყოველი დარგული ნერგი უკეთესი ხვალინდელი დღის დასაწყისია