ᲛᲔᲡᲢᲘᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ ᲡᲝᲤᲔᲚ ᲬᲕᲘᲠᲛᲘᲡ ᲡᲐᲯᲐᲠᲝ ᲡᲙᲝᲚᲐ

ჩვენი ეკოკლუბი გახდა პროექტის დამფუძვნებელი საერთაშორისო საგანმანათლებლო პლატფორმა eTwinning-ში „Green Ideas, Smart Money“, რომელიც აერთიანებს გარემოსდაცვით განათლებას, ცირკულარულ ეკონომიკას, მწვანე მეწარმეობასა და ფინანსურ წიგნიერებას. პროექტში მონაწილეობა ეკოკლუბისთვის მნიშვნელოვანი შესაძლებლობაა, გააფართოოს საერთაშორისო თანამშრომლობა, გაიზიაროს სხვა ქვეყნების სკოლების გამოცდილება და საკუთარი გარემოსდაცვითი ინიციატივები საერთაშორისო საზოგადოებას გააცნოს. პროექტის ფარგლებში მოსწავლეები იმუშავებენ ნარჩენების შემცირების, რესურსების ხელახალი გამოყენების, მდგრადი მოხმარებისა და ეკომეგობრული სამეწარმეო იდეების განვითარებაზე. დაგეგმილია ერთობლივი კვლევები, ციფრული პროდუქტების შექმნა, ვიდეორგოლებისა და პოდკასტების მომზადება, ასევე საერთაშორისო შეხვედრები და გამოცდილების გაზიარება. აღნიშნული თანამშრომლობა ხელს შეუწყობს მოსწავლეთა ეკოლოგიური ცნობიერების, შემოქმედებითი აზროვნების, ციფრული და საკომუნიკაციო უნარების განვითარებას. განსაკუთრებით მნიშვნელოვანია, რომ ეკოკლუბის ადგილობრივი ინიციატივები საერთაშორისო თანამშრომლობის ნაწილად იქცევა, რაც ახალი იდეების განხორციელებისა და გრძელვადიანი პარტნიორობის პერსპექტივას ქმნის.