დასუფთავების აქტივობა
ზუგდიდის მუნიციპალიტეტის ურთის საჯარო სკოლის ეკოკლუბ „ჯეთეთის“ წევრებმა მორიგი საზოგადოებრივ-სასარგებლო და გარემოსდაცვითი აქტივობა განახორციელეს. 2026 წლის 29 ოქტომბეს მოსწავლეებმა სკოლის ტერიტორიაზე არსებული სათავსოდან სამშენებლო მასალებისა და სხვადასხვა ნივთების მოწესრიგება დაიწყეს. მათ დაალაგეს შეშა( ბრეკეტები) გადაიტანეს ხის პალეტები და სივრცის მოწესრიგებაში აქტიურად ჩაერთნენ.
აქტივობის ფარგლებში მოსწავლეებმა გუნდურად იმუშავეს, გაინაწილეს მოვალეობები და საერთო ძალისხმევით შეასრულეს დაკისრებული სამუშაო. მათი ჩართულობა კიდევ ერთხელ ადასტურებს, რომ სკოლის გარემოზე ზრუნვა თითოეული მოსწავლის პასუხისმგებლობაა.
მსგავსი აქტივობები ხელს უწყობს მოსწავლეებში შრომისმოყვარეობის, პასუხისმგებლობის, თანამშრომლობისა და გუნდური მუშაობის უნარების განვითარებას. ამასთანავე, აყალიბებს მზრუნველ დამოკიდებულებას სასკოლო გარემოსა და საერთო ქონების მიმართ.
ეკოკლუბ „ჯეთეთის“ წევრები მომავალშიც გააგრძელებენ სასკოლო გარემოს გაუმჯობესებისა და კეთილმოწყობისკენ მიმართულ აქტივობებს, რადგან სუფთა, მოწესრიგებული და უსაფრთხო გარემოს შექმნა ყველას საერთო პასუხისმგებლობაა.