ᲡᲡᲘᲞ. ᲓᲐᲒᲕᲐᲡ ᲡᲐᲯᲐᲠᲝ ᲡᲙᲝᲚᲐ

🦅 სახალვაშოს ფრინველთა ბანაკი — ცოდნა, გამოცდილება და ბუნებაზე ზრუნვა 🌿

2026 წლის 10 ოქტომბერს დაგვას საჯარო სკოლის ეკოკლუბის მოსწავლეებმა მონაწილეობა მიიღეს სახალვაშოს ფრინველთა ბანაკში. ბანაკი მოსწავლეებისთვის განსაკუთრებული შემეცნებითი გამოცდილება აღმოჩნდა. მათ მონაწილეობა მიიღეს მრავალფეროვან საგანმანათლებლო და პრაქტიკულ აქტივობებში, დააკვირდნენ ფრინველებს, გაეცნენ მათ სახეობებს, ქცევებს, საარსებო გარემოსა და მიგრაციის თავისებურებებს. თეორიული ცოდნა პრაქტიკული დაკვირვებით გაამდიდრეს, შეიძინეს ახალი გამოცდილება და განივითარეს კვლევითი, დაკვირვებისა და გუნდური მუშაობის უნარები. განსაკუთრებით სასიხარულო იყო, რომ ბანაკის ხელმძღვანელები ჩვენს სკოლასაც ესტუმრნენ. ბანაკის მონაწილე მოსწავლეებმა თანატოლებს გაუზიარეს მიღებული ცოდნა, საინტერესო შთაბეჭდილებები, ახალი აღმოჩენები და ფრინველებზე დაკვირვების გამოცდილება. ამგვარად, ბანაკში მიღებული ცოდნა მხოლოდ მონაწილეებით არ შემოიფარგლა და მთელი სასკოლო საზოგადოებისთვის საინტერესო გამოცდილებად იქცა. ბანაკმა და შემდგომმა შეხვედრამ კიდევ ერთხელ დაგვანახა, რომ ბუნების შეცნობა ყველაზე კარგად უშუალო დაკვირვებით, პრაქტიკული გამოცდილებითა და ცოდნის გაზიარებით მიიღწევა. ჩვენი მიზანია, აღვზარდოთ ბუნების მცოდნე, პასუხისმგებლიანი და აქტიური დამცველები, რადგან ფრინველთა და მთლიანად ბიომრავალფეროვნების დაცვა ჩვენი საერთო პასუხისმგებლობაა! ცოდნა, გამოცდილება და ბუნების სიყვარული — ეს არის ჩვენი ეკოკლუბის მთავარი ძალა! 🦅🌿🌍💚

🍂 ნეშომპალის მიღება ჩამოცვენილი ფოთლებისგან 🌱

სსიპ ქობულეთის რაიონის სოფელ დაგვას საჯარო სკოლის ეკოკლუბის მოსწავლეებმა დღეს კიდევ ერთი საინტერესო და სასარგებლო გარემოსდაცვითი აქტივობა განახორციელეს. მათ საკუთარი ხელით მოაწყვეს ნეშომპალის მისაღები ყუთი, დაასუფთავეს სკვერის ტერიტორია, შეაგროვეს ჩამოცვენილი ფოთლები და მომზადებულ ყუთში მოათავსეს. ახლა მოსწავლეები ინტერესით ელოდებიან ბუნებრივ პროცესს, რომლის შედეგადაც ფოთლები დაიშლება და ნეშომპალად გარდაიქმნება. მიღებული ნეშომპალა კი მომავალში მცენარეებისა და ნიადაგის გასამდიდრებლად გამოიყენება.ამ აქტივობით ბავშვებმა პრაქტიკულად დაინახეს, რომ ბუნებაში ყველაფერი ერთმანეთთანაა დაკავშირებული და ერთი შეხედვით უსარგებლო ფოთოლსაც კი დიდი მნიშვნელობა აქვს.ჩვენ ვსწავლობთ ბუნებისგან, ვზრუნავთ გარემოზე და პატარა საქმეებით ვქმნით დიდ ცვლილებებს! 🌿ჩვენი მიზანია, მოსწავლეებმა არა მხოლოდ ისწავლონ ბუნებაზე ზრუნვა, არამედ თავად გახდნენ გარემოსდაცვითი ცვლილებების შემქმნელები. დღეს შეგროვებული ფოთლები ხვალ ნიადაგის სიმდიდრედ და ახალი სიცოცხლის წყაროდ იქცევა. ასე ვაქცევთ ზრუნვას საქმედ, ცოდნას კი — სასარგებლო გამოცდილებად! 🌿🍂

2026 წლის 30 ოქტომბერს სსიპ ქობულეთის მუნიციპალიტეტის სოფელ დაგვას საჯარო სკოლის ეკოკლუბის მოსწავლეებმა მორიგი გარემოსდაცვითი აქტივობა განახორციელეს. მათ იზრუნეს სკოლის ეზოში არსებულ პალმებზე, მოაშორეს ხმელი და დაზიანებული ფოთლები და მოაწესრიგეს მცენარეების ირგვლივ არსებული ტერიტორია. აქტივობის მიზანი იყო სასკოლო გარემოს გალამაზება, მცენარეებზე ზრუნვის კულტურის ჩამოყალიბება და მოსწავლეებში ეკოლოგიური პასუხისმგებლობის გაძლიერება. პრაქტიკული საქმიანობით ბავშვებმა კიდევ ერთხელ გააცნობიერეს, რომ გარემოზე ზრუნვა ყოველდღიური პასუხისმგებლობაა და თითოეული ადამიანის მონაწილეობას მოითხოვს. გვჯერა, რომ ბუნების სიყვარული საქმით გამოიხატება! ერთად ვქმნით სუფთა, მწვანე და ჯანსაღ გარემოს! 🌱ბუნებაზე ზრუნვა ერთჯერადი აქტივობა კი არა, ყოველდღიური პასუხისმგებლობაა. გვინდა, თითოეულმა მოსწავლემ გააცნობიეროს, რომ მცენარეების დაცვით, მოვლითა და გარემოს გაფრთხილებით საკუთარ წვლილს შეიტანს უფრო ჯანსაღი და მწვანე მომავლის შექმნაში. პატარა საქმეებით ვიწყებთ დიდ ცვლილებებს! 🌴🌿