გადადი შინაარსზე
ყველა აქტივობაშიდა ქართლიმიზანი #3

ᲥᲐᲚᲐᲥ ᲒᲝᲠᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ #11 ᲡᲐᲯᲐᲠᲝ ᲡᲙᲝᲚᲐ

ჯანმრთელობა და კეთილდღეობა — 3 აქტივობა, სკოლის ეკოკლუბის აღწერით და ფოტოებით.

აქტივობა 01

დიაბეტის მსოფლიო დღე

ერთობლივი ინიციატივა ჯანსაღი მომავლისთვის: ეკოკლუბ „დელტას“ აქტივობა დიაბეტის მსოფლიო დღესთან დაკავშირებით

​ძირითადი ტექსტი:

​14 ნოემბერს, დიაბეტის მსოფლიო დღესთან დაკავშირებით, სსიპ ქალაქ გორის #11 საჯარო სკოლის ეკოკლუბ „დელტას“ წევრებმა (ნიკო კეცხოველის სასკოლო პრემიის ფარგლებში) მნიშვნელოვანი საინფორმაციო-საგანმანათლებლო აქცია განახორციელეს. ღონისძიება წითელი ჯვრის გორის ორგანიზაციასთან თანამშრომლობით და გორის #8 საჯარო სკოლის ეკოკლუბელებთან ერთად ჩატარდა.

​აქტივობა ქალაქის ერთ-ერთ სკვერში შეკრებით დაიწყო. წითელი ჯვრის ოფისის წარმომადგენელმა მოსწავლეებსა და ადგილობრივ მოსახლეობას დიაბეტის, მისი რისკ-ფაქტორებისა და პრევენციის ძირითადი გზების შესახებ დეტალური ინფორმაცია მიაწოდა. საუბრის დასრულების შემდეგ, ახალგაზრდებმა საინფორმაციო მსვლელობა მოაწყვეს. ისინი აქტიურად არიგებდნენ თემატურ ფლაერებსა და ბუკლეტებს, რათა მოსახლეობისთვის ცნობიერება ამაღლებულიყო ჯანსაღი ცხოვრების წესისა და დიაბეტის ადრეული პრევენციის მნიშვნელობაზე.

​აღნიშნული ინიციატივა ემსახურება საზოგადოებრივი სოლიდარობის გაღრმავებას, ჯანსაღი წეს-ჩვეულებების პოპულარიზაციას და ახალგაზრდებში მოხალისეობრივი კულტურის განვითარებას.

ყველა ფოტო (8)
აქტივობა 02

შაქრიანი დიაბეტი

ნიკო კეცხოველის სასკოლო პრემიის ფარგლებში, სსიპ გორის #11 საჯარო სკოლის ეკოკლუბ „დელტას“ წევრი მოსწავლეები , გორის #8 და ხიდისთავის საჯარო სკოლის მოსწავლეებთან ერთად 25 სექტემბერს გორში, წითელი ჯვრის ოფისში გამართულ ტრენინგს დაესწრნენ. ტრენინგი მიეძღვნა მნიშვნელოვან თემას — შაქრიანი დიაბეტი და მისი პრევენციის გზები.

​შეხვედრის მიზანი ახალგაზრდებში ჯანსაღი ცხოვრების წესისა და ჯანდაცვის საკითხებზე ცნობიერების ამაღლება იყო. ტრენინგის განმავლობაში მონაწილეებმა დეტალურად განიხილეს დიაბეტის გამომწვევი მიზეზები, რისკ-ფაქტორები და დაავადების თავიდან აცილების პრევენციული ზომები. განსაკუთრებული ყურადღება დაეთმო სწორი კვების, ფიზიკური აქტივობისა და პრევენციული გამოკვლევების როლს.

​ეკოკლუბ „დელტას“ წევრები აქტიურად აგრძელებენ საგანმანათლებლო და საზოგადოებრივ ინიციატივებში მონაწილეობას, რაც მათ ეხმარებათ ცოდნის გაღრმავებასა და გარემოზე ზრუნვასთან ერთად საზოგადოებრივი ჯანმრთელობის მნიშვნელობის გააზრებაში.

აქტივობა 03

გადაუდებელი დახმარება

ეკოკლუბი „დელტა“ პირველადი დახმარების ჩემპიონატზე!

2 ოქტომბერს, ნიკო კეცხოველის სასკოლო პრემიის ფარგლებში შექმნილი ეკოკლუბ „დელტას“ წევრებმა გორის ხიდისთავის საჯარო სკოლასთან და გორის #8 საჯარო სკოლის ეკოკლუბელებთან ერთად ,მონაწილეობა მიიღო საქართველოს წითელი ჯვრის მიერ ორგანიზებულ პირველადი დახმარების ჩემპიონატში.

მოსწავლეებმა, როგორც მოხალისეებმა, გაიარეს პირველადი დახმარების საბაზისო უნარების ტრენინგი და აქტიურად ჩაერთნენ რეალისტური სიტუაციების სიმულაციებში. მათ შესაძლებლობა ჰქონდათ, პრაქტიკულად გამოეცადათ მიღებული ცოდნა, ემუშავათ გუნდურად და გაცნობოდნენ გადაუდებელ სიტუაციებში სწორად მოქმედების მნიშვნელოვან წესებს.

აღნიშნული აქტივობა მოსწავლეებისთვის იყო არა მხოლოდ საინტერესო გამოცდილება, არამედ მნიშვნელოვანი ნაბიჯი პასუხისმგებლიანი მოქალაქეობის, ურთიერთდახმარებისა და მოხალისეობრივი კულტურის განვითარებისთვის.

ეკოკლუბელებს მიღებული ცოდნა და გამოცდილება დაეხმარება საჭირო დროს საკუთარი და სხვისი სიცოცხლის გადარჩენაში.

იტვირთება…