გადადი შინაარსზე
ყველა აქტივობაშიდა ქართლიმიზანი #12

ᲥᲐᲚᲐᲥ ᲒᲝᲠᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ #11 ᲡᲐᲯᲐᲠᲝ ᲡᲙᲝᲚᲐ

გონივრული მოხმარება და წარმოება — 3 აქტივობა, სკოლის ეკოკლუბის აღწერით და ფოტოებით.

აქტივობა 01

არა სიღარიბეს

ეკოკლუბ „დელტას“ საქველმოქმედო ინიციატივა: თბილი ქურთუკები სოციალურად დაუცველი ადამიანებისთვის

​15 ნოემბერს, ნიკო კეცხოველის სასკოლო პრემიის ფარგლებში შექმნილი სსიპ ქალაქ გორის №11 საჯარო სკოლის ეკოკლუბ „დელტას“ წევრი მოსწავლეები გორში მოქმედ მეორადი ტანსაცმლის მაღაზია „რჩეულს“ ესტუმრნენ.

​ვიზიტის ფარგლებში მოსწავლეებმა მაღაზიის ხელმძღვანელს დეტალურად გააცნეს ეკოკლუბის მიზნები, მიმდინარე პროექტები და სამომავლო თანამშრომლობა შესთავაზეს.

​კლუბის საქმიანობისა და ინიციატივის მხარდასაჭერად, მაღაზია „რჩეულმა“ მოსწავლეებს საქველმოქმედო მიზნით თბილი ქურთუკები გადასცა. შეგროვებულ ტანსაცმელს ეკოკლუბ „დელტას“ წევრები სოციალურად დაუცველ ადამიანებს გადასცემენ.

მოსწავლეები კვლავ გააგრძელებენ ორგანიზაციებთან თანამშრომლობას , რათა მათმა ნაბიჯებმა მცირედით მაინც შეამციროს ადამიანების გაჭირვება და სიღარიბე მოიგვარონ ის პრობლემები რომლებიც საკუთარი ძალებით შეუძლიათ. მოსწავლეები შეეცდებიან საკუთარ უბანში არც ერთი სოციალურად დაუცველი ბავშვი არ დარჩეს ზამთარში თბილი სამოსის გარეშე.

ყველა ფოტო (8)
აქტივობა 02

კომპოსტირება

11 ნოემბერს სსიპ ქალაქ გორის №11 საჯარო სკოლის, ნიკო კეცხოველის სასკოლო პრემიის ფარგლებში შექმნილი ეკოკლუბ „დელტას“ წევრი მოსწავლეები გორის №8 საჯარო სკოლას ესტუმრნენ.

შეხვედრის ფარგლებში ეკოკლუბ „დელტას“ წევრები მასპინძელი სკოლის ეკოკლუბელებს შეხვდნენ, დაათვალიერეს სკოლის ეზოში განთავსებული კომპოსტირების ყუთი და გაეცნენ კომპოსტირების პროცესს.

მოსწავლეებისთვის საინტერესო და შემეცნებითი ლექცია კომპოსტირების მნიშვნელობის, ორგანული ნარჩენების მართვისა და გარემოს დაცვის საკითხებზე ეკოკლუბის ხელმძღვანელმა, ნინო ფსუტურმა, ჩაატარა.

შეხვედრის მონაწილეებმა მიიღეს ინფორმაცია იმის შესახებ, თუ როგორ შეიძლება ყოველდღიურ ცხოვრებაში ორგანული ნარჩენების სასარგებლო რესურსად გარდაქმნა, ნიადაგის ნაყოფიერების გაუმჯობესება და გარემოზე ნარჩენების უარყოფითი ზემოქმედების შემცირება.

ამის შემდეგ მოსწავლეებმა თავად შეაგროვეს ფოთლები და სხვა ნარჩენები და ყუთში განათავსეს.

მსგავსი საგანმანათლებლო შეხვედრები ხელს უწყობს მოსწავლეთა ეკოლოგიური ცნობიერების ამაღლებას, გამოცდილების გაზიარებასა და გარემოსდაცვითი პასუხისმგებლობის გაზრდას.

ყველა ფოტო (8)
აქტივობა 03

გონივრული მოხმარება

საჯარო სკოლის, ნიკო კეცხოველის სასკოლო პრემიის ფარგლებში შექმნილი ეკოკლუბ „დელტას“ ახალმა წევრებმა, კლუბის ხელმძღვანელთან ერთად, ერთ-ერთ გასართობ ცენტრს ესტუმრნენ.

ვიზიტის მიზანი იყო მოსწავლეების გაცნობა ეკოკლუბის მიერ განხორციელებულ მწვანე ინიციატივასთან, რომელიც გამოყენებული სანთლების ნარჩენების შეგროვებასა და მათ ხელახალ გამოყენებას გულისხმობს.

გასართობ ცენტრში წინა სასწავლო წლის კონკურსში მონაწილე ეკოკლუბის წევრებს სანთლის ნარჩენების შესაგროვებლად სპეციალური ურნა ჰქონდათ განთავსებული. მოსწავლეები გაეცნენ ინიციატივის მნიშვნელობას, მის განხორციელების პროცესსა და იმ შესაძლებლობებს, რომლებსაც სანთლის ნარჩენების გადამუშავება ქმნის.

მოსწავლეებმა წამოიღეს სანთლის ნარჩენი და კვლავ განათავსეს ურნა ხელახლა შეგროვებისთვის. უახლოეს მომავალში კი წამოღებული ნარჩენის გადამუშავებას და ახალი ნივთების შექმნას დაიწყებენ.

შეხვედრა მიზნად ისახავდა ახალი წევრებისთვის ეკოკლუბის გარემოსდაცვითი საქმიანობისა და მწვანე მეწარმეობის მიმართულების გაცნობას. ინიციატივა ხელს უწყობს ნარჩენების შემცირებას, რესურსების ხელახალ გამოყენებასა და გარემოსდაცვითი პასუხისმგებლობის გაზრდას.

ყველა ფოტო (10)
იტვირთება…