გადადი შინაარსზე
ყველა აქტივობასამეგრელო-ზემო სვანეთიმიზანი #13

ᲡᲡᲘᲞ Ქ.ᲖᲣᲒᲓᲘᲓᲘᲡ N8 ᲡᲐᲯᲐᲠᲝ ᲡᲙᲝᲚᲐ

კლიმატის მდგრადობის მიღწევა — 2 აქტივობა, სკოლის ეკოკლუბის აღწერით და ფოტოებით.

აქტივობა 01

სკოლის მიმდებარე ტერიტორიის დასუფთავება

16 ნოემბერს ჩატარებული აქტივობის მიზანი იყო ბავშვებში გარემოსადმი პასუხისმგებლობისა და საზოგადოებრივ საქმეში მონაწილეობის სურვილის გაღვივება. მოსწავლეებმა მონაწილეობა მიიღეს სკოლისა და მიმდებარე ტერიტორიის დასუფთავებაში. ერთად შეაგროვეს ნარჩენები, დაასუფთავეს მწვანე სივრცეები და იზრუნეს გარემოს მოწესრიგებაზე. ამ პროცესში მათ შესაძლებლობა მიეცათ, საკუთარი წვლილი შეეტანათ საერთო საქმისთვის. მსგავსი აქტივობები მხოლოდ დასუფთავებას არ გულისხმობს, ის ბავშვებს გუნდურ მუშაობას, ერთმანეთის დახმარებასა და პასუხისმგებლობის აღებასაც ასწავლის. მნიშვნელოვანია, რომ მოსწავლეებმა ადრეული ასაკიდანვე გააცნობიერონ საკუთარი როლი საზოგადოებაში და ისწავლონ საერთო სივრცეების დაფასება. ასეთი ღონისძიებები განსაკუთრებით სასარგებლოა, რადგან ბავშვები პრაქტიკული გამოცდილებით სწავლობენ და ხედავენ, რომ თითოეული ადამიანის მონაწილეობას მნიშვნელობა აქვს. ჩვენი მიზანია, მსგავსი აქტივობები მომავალშიც გაგრძელდეს და უფრო მეტმა ადამიანმა მიიღოს მონაწილეობა.

აქტივობა 02

ხეების დარგვა სკოლის ეზოში

13 ნოემბერს ჩატარდა ჩვენი სკოლის კიდევ ერთი საინტერესო აქტივობა, რომლის დროსაც მოსწავლეებმა მონაწილეობა მიიღეს გარემოს მოწესრიგებასა და გამწვანებაში. ერთად ვასუფთავებდით ტერიტორიას, ვამზადებდით მიწას და ვრგავდით მცენარეებს. თითოეული მოსწავლე აქტიურად იყო ჩართული პროცესში და საკუთარი წვლილი შეჰქონდა საერთო საქმეში. ეს აქტივობა მხოლოდ პრაქტიკული გამოცდილება არ ყოფილა, მან ასევე გვასწავლა ერთერთი უმთავრესი უნარი, გუნდური მუშაობა, პასუხისმგებლობა და ერთმანეთის დახმარება. ვფიქრობთ, რომ მსგავსი ღონისძიებები მნიშვნელოვანია ხარისხიანი განათლებისთვის, რადგან მოსწავლეები ცოდნას მხოლოდ თეორიულად კი არ იღებენ, არამედ რეალურ ცხოვრებაში იყენებენ. ამ გზით უკეთ ვაცნობიერებთ, რომ თითოეულ ჩვენგანს შეუძლია დადებითი ცვლილების შეტანა გარემოში. განსაკუთრებით მნიშვნელოვანია, რომ ბავშვები პატარა ასაკიდანვე სწავლობდნენ ბუნებაზე ზრუნვას და საზოგადოებისთვის სასარგებლო საქმეებში მონაწილეობას. 🌱

იტვირთება…