გადადი შინაარსზე
ყველა აქტივობაგურიამიზანი #17

ᲡᲡᲘᲞ. ᲝᲖᲣᲠᲒᲔᲗᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ ᲚᲘᲮᲐᲣᲠᲘᲡ ᲡᲐᲯᲐᲠᲝ ᲡᲙᲝᲚᲐ

თანამშრომლობა საერთო მიზნებისთვის — 2 აქტივობა, სკოლის ეკოკლუბის აღწერით და ფოტოებით.

აქტივობა 01

წარსულის ნაკვალევზე

2026 წლის 9 ოქტომბერს ლიხაურის საჯარო სკოლის ეკოკლუბის წევრები სტუმრად ვეწვიეთ ექვთიმე თაყაიშვილის მუზეუმს.ვიზიტის მთავარი მიზანი მოსწავლეებში ეროვნული თვითშეგნების ამაღლება, ისტორიულ-კულტურული მემკვიდრეობის გაცნობა და მისი დაცვის აუცილებლობის გააზრება იყო. მეგზურობა მუზეუმის სპეციალისტმა ლალი კოტრიკაძემ გაგვიწია.ქ-მა ლალიმ ამომწურავად ისაუბრა ექვთიმე თაყაიშვილის ღვაწლსა და დამსახურებაზე ერის წინაშე.გაიმართა საინტერესო კითხვა -პასუხი. ექვთიმე თაყაიშვილის თავდადებული მოღვაწეობის გაცნობამ მოსწავლეებს მოტივაცია მისცა, თავადაც იზრუნონ მშობლიური კუთხის ეკოლოგიურ და კულტურულ მომავალზე, გამოიმუშაონ სამოქალაქო პასუხისმგებლობა და აქტიურად ჩაერთონ სკოლისა და თემის სასარგებლო ინიციატივებში, რაც მდგრადი განვითარებისა და ბუნებასთან ჰარმონიული თანაცხოვრების საფუძველია.

შეგროვდა ფოტო, ვიდეო და ისტორიული მასალები, რომლებიც გამოყენებული იქნება სასკოლო პრეზენტაციებისა და ცნობიერების ასამაღლებელი კამპანიებისთვის.

აქტივობა 02

15 სექტემბერი-დემოკრატიის საერთაშორისო დღე

15 სექტემბერი დემოკრატიის საერთაშორისო დღეა, რომელიც გაეროს გენერალურმა ასამბლეამ 2007 წელს დააფუძნა. ამ დღის აღსანიშნავად ლიხაურის საჯარო სკოლის ეკოკლუბის წევრებმა საინფორმაციო სეხვედრა მოაწყვეს სასკოლო საზოგადოებასთან.შეხვედრის მიზანი იყო საზოგადოების ცნობიერების ამაღლება, ადამიანის უფლებების დაცვა და დემოკრატიული ღირებულებების გაძლიერება.ეკოკლუბის წევრებმა აღნიშნეს:

მნიშვნელოვანია გავიაზროთ, რომ დემოკრატია არ შემოიფარგლება მხოლოდ არჩევნებში მონაწილეობით — ეს არის ყოველდღიური პროცესი, რომელიც მოქალაქეთა მუდმივ ჩართულობას, აზრის თავისუფლად გამოხატვასა და საკუთარი თემისა თუ გარემოს მიმართ პასუხისმგებლობის აღებას გულისხმობს.

ნიკო კეცხოველის სასკოლო პრემიის ფარგლებში, განსაკუთრებით თვალსაჩინოა სამოქალაქო აქტივიზმის როლი. მოსწავლეები და ეკოკლუბები აქტიურად მონაწილეობენ ადგილობრივი გარემოსდაცვითი პრობლემების მოგვარებაში, იღებენ დემოკრატიულ გადაწყვეტილებებს და თანამშრომლობენ ადგილობრივ თვითმმართველობებთან. შეხვედრაზე გამოიკვეთა

სამოქალაქო ჩართულობის 3 ძირითადი ნაბიჯი:

  1. პრობლემის იდენტიფიცირება: სკოლასა და თემში არსებული საჭიროებების დანახვა;

  2. დისკუსია და დაგეგმვა: გუნდური მსჯელობა და გადაწყვეტილებების დემოკრატიულად მიღება;

  3. ადვოკატირება და ქმედება: კონკრეტული პროექტების განხორციელება ცვლილებების მისაღწევად.

ჩვენი ხმა და ქმედება ქმნის რეალურ ცვლილებას — უკეთესი საზოგადოება და ჯანსაღი გარემო თითოეული ჩვენგანის აქტიურობაზეა დამოკიდებული!

იტვირთება…