გადადი შინაარსზე
ყველა აქტივობაგურიამიზანი #15

ᲡᲡᲘᲞ. ᲝᲖᲣᲠᲒᲔᲗᲘᲡ ᲛᲣᲜᲘᲪᲘᲞᲐᲚᲘᲢᲔᲢᲘᲡ ᲚᲘᲮᲐᲣᲠᲘᲡ ᲡᲐᲯᲐᲠᲝ ᲡᲙᲝᲚᲐ

დედამიწის ეკოსისტემები — 3 აქტივობა, სკოლის ეკოკლუბის აღწერით და ფოტოებით.

აქტივობა 01

ბუნების უხილავი სიმფონია

2026 წლის 12 ოქტომბერს ლიხაურის საჯარო სკოლის ეკოკლუბის წევრებმა საინტერესო შეხვედრა მოაწყვეს მე-5 კლასის მოსწავლეებთან თემაზე „ბუნების ჰარმონია“. შეხვედრის მთავარი მიზანი იყო მოსწავლეებში ეკოლოგიური ცნობიერების ამაღლება, ცხოველთა სამყაროს მრავალფეროვნების გაცნობა და ბიომრავალფეროვნების დაცვის მნიშვნელობის გააზრება.პრეზენტაციაზე განვიხილეთ, თუ როგორ ქმნის თითოეული ცოცხალი არსება — უმცირესი მწერიდან დიდ ძუძუმწოვრამდე — ეკოსისტემის წონასწორობას. მოსწავლეებმა გაეცნენ საქართველოსა და მსოფლიოს ფაუნის უნიკალურ წარმომადგენლებს, საფრთხის წინაშე მყოფ სახეობებსა და იმ მიზეზებს, რომლებიც ბუნებრივ წონასწორობას არღვევს. განსაკუთრებული ყურადღება დაეთმო ყოველდღიურ ქმედებებს, რომლებითაც ბავშვებს შეუძლიათ ბუნების დაცვა. შეხვედრა კითხვა-პასუხის რეჟიმში გაიმართა.აქტიურმა ჩართულობამ და საინტერესო დისკუსიამ აჩვენა, რომ პატარა მკვლევრები მზად არიან, გახდნენ ბუნების ერთგული ქომაგები და შეინარჩუნონ მისი ჰარმონია.

აქტივობა 02

ერთად გავამწვანოთ გარემო

2026 წლის 7 ოქტომბერს ლიხაურის საჯარო სკოლის ეკოკლუბის წევრების ინიციატივით ჩვენს სკოლაში მორიგი საინტერესო და სასარგებლო გარემოსდაცვითი აქტივობა განხორციელდა. ეკო-კლუბის წევრებმა და მოსწავლეებმა ერთობლივი ძალებით სკოლის მიმდებარე ეზო გაამწვანეს.

აქციის ფარგლებში დაირგო სხვადასხვა სახეობის დეკორატიული მცენარეები. პროცესში აქტიურად იყვნენ ჩართულნი როგორც მოსწავლეები, ისე პედაგოგები და სკოლის დირექტორი.ღონისძიების მთავარი მიზანი სასკოლო სივრცის ეკოლოგიური მდგომარეობის გაუმჯობესება, ჯანსაღი გარემოს შექმნა და მოსწავლეებში გარემოზე ზრუნვის კულტურის ამაღლებაა.დიდი ენთუზიაზმითა და გუნდური მუშაობით დავრგეთ ახალი ნერგები და ჩვენი სკოლის მიმდებარე ტერიტორია ლამაზი და ეკოლოგიურად სუფთა გავხადეთ. ეს აქტივობა შეგვახსენებს, რომ ბუნებაზე ზრუნვა სწორედ ჩვენივე გარემოდან იწყება.

ჩვენ გვჯერა, რომ თითოეული დარგული ხე და მცენარე მნიშვნელოვანი წვლილია უკეთესი მომავლის შესაქმნელად. მადლობას ვუხდით ყველა მონაწილეს ჩართულობისა და ენთუზიაზმისთვის!

აქტივობა 03

სუფთა ბუნების ჰარმონია

20 სექტემბერი დედამიწის დასუფთავების მსოფლიო დღეა. ამ დღის აღსანიშნავად ლიხაურის საჯარო სკოლის ეკოკლუბის წევრებმა შეხვედრა მოაწყვეს საბაზო საფეხურის მოსწავლეებთან.შეხვედრა საინფორმაციო ხასიათის იყო.ეკოკლუბის წევრებმა აღნიშნეს, რომ ეს არის გლობალური სამოქალაქო მოძრაობა, რომელიც მსოფლიოს 190-ზე მეტ ქვეყანასა და მილიონობით ადამიანს აერთიანებს პლანეტის დასუფთავებისა და ნარჩენების სწორი მართვის ირგვლივ.ისაუბრეს იმაზე, რომ გარემოს დაბინძურება, განსაკუთრებით პლასტმასითა და საყოფაცხოვრებო ნარჩენებით, დღეს ერთ-ერთი ყველაზე მწვავე ეკოლოგიური გამოწვევაა. იგი საფრთხეს უქმნის როგორც ნიადაგსა და წყლის რესურსებს, ისე ბიომრავალფეროვნებასა და ადამიანის ჯანმრთელობას.

ჩვენი ეკოკლუბისა და სასკოლო საზოგადოების ჩართულობას უდიდესი მნიშვნელობა აქვს. დასუფთავების აქციებში მონაწილეობა არ არის მხოლოდ ტერიტორიის დასუფთავება — ეს არის პასუხისმგებლობის გააზრება, საკუთარი მაგალითით ცნობიერების ამაღლება და ნაბიჯი მდგრადი, სუფთა მომავლისკენ.

დავგეგმეთ სამომავლო დასუფთავების აქციები

იტვირთება…