ბიოსფეროს მარადიული ჰარმონია
2026 წლის 5 ოქტომბერს ლიხაურის საჯარო სკოლის ეკოკლუბის წევრებმა საინტერესო აქტივობა მოაწყვეს მე-5 კლასის მოსწავლეებთან თემაზე; რატომ არის ბიოსფერო არსებობისთვის აუცილებელი. ეკოკლუბის წევრებმა ისაუბრეს ბიოსფეროს მნიშვნელობაზე, აღნიშნეს, რომ ბიოსფერო დედამიწის უნიკალური და ცოცხალი გარსია, სადაც ატმოსფერო, ჰიდროსფერო და ლითოსფერო ერთმანეთთან მჭიდროდ არის გადაჯაჭვული. სწორედ ეს გლობალური ეკოსისტემა ქმნის იმ სრულყოფილ პირობებს, რომელთა გარეშეც ჩვენი პლანეტა უსიცოცხლო უდაბნოდ იქცევა. ბიოსფერო უზრუნველყოფს სუნთქვისთვის აუცილებელ ჟანგბადს, სასმელ წყალს, საკვებსა და კლიმატურ სტაბილურობას. ის მოქმედებს როგორც ბუნებრივი დამცავი ფარი, რომელიც არეგულირებს სიცოცხლისთვის საჭირო პროცესებს. გაიმართა საინტერესო დისკუსია. ბოლოს შევჯერდით, რომ დღეს, როდესაც ადამიანის საქმიანობა საფრთხეს უქმნის ამ წონასწორობას, ბიოსფეროს შენარჩუნება მხოლოდ ეკოლოგიური საკითხი აღარაა — ეს ჩვენი გადარჩენის საწინდარია. ნიკო კეცხოველის იდეებიც გვახსენებს, რომ ბუნებაზე ზრუნვა თითოეული ჩვენგანის უმთავრესი მოვალეობაა.