ერის მეჭურჭლეთუხუცესის კვალდაკვალ
2026 წლის 29 სექტემბერს ლიხაურის საჯარო სკოლის ეკოკლუბის წევრები სტუმრად ვეწვიეთ ექვთიმე თაყაიშვილის სახლ- მუზეუმს.ვიზიტს განსაკუთრებული ემოციური და შემეცნებითი ღირებულება მიანიჭა ერის მეჭურჭლეთუხუცესის ოჯახის ნათესავთან რევაზ თაყაიშვილთან შეხვედრამ. მასპინძელმა მოსწავლეებს უშუალო გარემოში გაგვიზიარა უნიკალური მოგონებები ექვთიმე თაყაიშვილის ცხოვრების, მისი პიროვნული თვისებებისა და იმ თავდადების შესახებ, რომლითაც მან ეროვნული საუნჯე განადგურებას გადაარჩინა.
დავათვალიერეთ მუზეუმში დაცული პირადი ნივთები, ფოტოსურათები და ისტორიული ექსპონატები. ბატონმა რევაზმა გვესაუბრა იმ ფაქტებზე, რომლებიც მხოლოდ ექვთიმე თაყაიშვილის ნათესავებისთვის იყო ცნობილი. მიგვაჩნია, რომ ეროვნული მემკვიდრეობისა და ისტორიული მეხსიერების გაფრთხილება კეცხოველის პროექტის მნიშვნელოვანი ნაწილია, მსგავსი უშუალო შეხვედრები კი ახალგაზრდებს კიდევ უფრო უღრმავებს პატივისცემას საკუთარი ქვეყნის კულტურული საუნჯისა და მისი დამცველების მიმართ.