×

ძვირფასო მონაწილეებო, აქტივობების დაგეგმვისას, გთხოვთ, გაითვალისწინოთ ქვეყანაში არსებული ეპიდვითარება.

მოგიწოდებთ, უპირატესობა მიანიჭოთ ონლაინ რეჟიმში განხორციელებად იდეებს.

ფიზიკურ გარემოში ჩასატარებელი აქტივობის არჩევის შემთხვევაში, გთხოვთ, ზედმიწევნით დაიცვათ განათლების სამინისტროს მიერ მოწოდებული რეგულაციები.

იხილეთ კონკურსის გზამკვლევი ქართულ, აზერბაიჯანულ და სომხურ ენებზე

ნებისმიერი კითხვის შემთხვევაში, შეგიძლიათ, მოგვწეროთ კონკურსის ოფიციალურ ფეისბუქ ჯგუფში ან დაუკავშირდეთ თქვენი რეგიონის კოორდინატორს.

გისურვებთ ჯანმრთელობასა და მრავალ წარმატებას!

WaSH - წყალი, სანიტარია და ჰიგიენა

ჯანსაღი სიცოცხლის უზრუნველყოფა ყველა ასაკის ადამიანისათვის მნიშვნელოვანია. თუმცა, მიუხედავად უახლოეს წლებში მიღწეული უდიდესი წარმატებისა ადამიანების ჯანმრთელობისა და კეთილდღეობის გაუმჯობესების სფეროში, უთანასწორობა კვლავაც გვხვდება ჯანდაცვის სექტორში. 

შეგიძლიათ, მთავრობა, ადგილობრივი ლიდერები და  გადაწყვეტილების მიმღები სხვა პირები ანგარიშვალდებულნი გახადოთ, რომ გააუმჯობესონ ადამიანების ხელმისაწვდომობა ჯანმრთელობისა და ჯანდაცვის სფეროებზე. წყალი, სანიტარია და ჰიგიენა პირდაპირ კავშირშია ადამიანის ჯანმრთელობასთან. 

იმოქმედეთ სკოლების, კლუბების, გუნდებისა და ორგანიზაციების მეშვეობით და ხელი შეუწყვეთ ყველასათვის უკეთესი ჯანმრთელობის დამკვიდრებას.  აღნიშნულ პრობლემებთან დაკავშირებით გთავაზობთ ვიდეოსა და კითხვარებს, რომლებიც დაგეხმარებათ, გაარკვიოთ რა მდგომარეობაა თქვენ გარშემო WaSH (წყალი, სანიტარია და ჰიგიენა) - ის კუთხით და ერთად ვიზრუნოთ პრობლემების გადაჭრაზე.

შეგახსენებთ, რომ გამოკითხვის სრულყოფილად ჩატარებისა  და კვლევის ანგარიშის ატვირთვის შემდეგ, ეკოკლუბი დაიმსახურებს 300 ქულას.