13 მარტს საქართველოს საპატრიარქოს თამარ მეფის სახელობის სკოლა-გიმნაზიის ეკოკლუბმა ,,მწვანე მომავალმა" ნიკო კეცხოველის სახელობის სასკოლო კონკურსის ფარგლებში მორიგი აქტივობა განახორციელა. ეკოკლუბელებმა დეტალურად განიხილეს თუ რას ნიშნავს ნარჩენი, რას ნიშნავს ნარჩენების დახარისხება და რატომ უნდა დავახარისხოთ ნარჩენი. მათ გადაწყვიტეს რომ სკოლაში განეთავსებინათ ურნები (მინიმუმ 4 ცალი- პლასტმასის, მინის, ქაღალდის და თუნუქის ნაჩენების მოსათავსებლად).
ბავშვებმა სკოლაში მიიტანეს ყუთები, გააფორმეს შესაბამისი წარწერებით, შეღებეს შესაბამისი ფერებით და ადმინისტრაციასთან შეთანხმებით განათავსეს ნარჩენების მოსათავსებლად ხელსაყრელ ადგილას. ასევე მოსწავლეებმა დაამზადეს კედლის გაზეთი, სადაც დაიტანეს ინფორმაცია ნარჩენების დახარისხებასთან დაკავშირებით, რომელიც მათ დეტალურად შეისწავლეს წინა სამუშაო შეხვედრაზე.
ყუთებთან განათავსეს კედლის გაზეთი, რათა თვალსაჩინო ყოფილიყო ყველასთვის რატომ უნდა დაახარისხონ ნარჩენი. ასევე ყუთებში მოათავსეს პარკები და როდესაც ისინი გაივსება, ეკოკლუბეებს დაგეგმილი აქვთ დაუკავშირდნენ შესაბამის ორგანიზაციებს, რათა გაიტანონ დახარისხებული ნარჩენი.