12 მარტს, გენო ადამიას სახელობის ქალაქ სენაკის #1 საჯარო სკოლის ეკოკლუბ "ეკოქტივის" წევრების მიერ განხორციელდა გარემოსდაცვითი აქტივობა, კერძოდ, ეკოკლუბელებმა დაასუფთავეს სკოლის ეზო და მისი მიმდებარე ტერიტორია. აქციის წინ ეკოკლუბელებმა მოიმარაგეს ერთჯერადი ხელთათმანები და სანაგვე პარკები.
ტერიტორია გასუფთავდა ნარჩენებისგან, რომელთა შორის ძირთადად იყო პოლიეთილინის ბოთლები, პარკები, თუნუქის ქილები. ნარჩენები გადახარისხდა და მოთავსდა შესაბამის, სეპარირებულ ურნებში, რომლებიც მდებარეობს სკოლის მიმდებარე ტერიტორიაზე. კლუბის წევრები თვლიან, რომ ამ ერთჯერადი დასუფთავების აქციით მათ პოზიტიური ცვლილება განახორციელეს გარემოს დაცვის საქმეში. ასევე, რა თქმა უნდა ეს აქტივობა მათ დაეხმარა გარემოსდაცვითი ცნობიერების ამაღლებაში.
ეკოკლუბი გეგმავს დასუფთავების აქციას სისტემატური და ფართო ხასიათი მიცეს მასში სასკოლო საზოგადოების _ მოსწავლეების, მასწავლებლების, მშობლების ჩართვით.