გურიაში მოსულმა უხვმა თოვლმა პრობლემები შეუქმნა ყველა ცოცხალ არსებას, გამონაკლისი არც ზამთარში დარჩენილი ფრინველები იყვნენ, რომლებისთვისაც საჭირო და აუცილებელი გახდა დახმარება. დაბა ნარუჯის სკოლის ეკოკლუბის წევრები ფრინველებს ყველგან უყრიდნენ საკენკს აივნებზე, ფანჯრის რაფებზე, ქუჩაში და სადაც კი მისწვდებოდნენ. მოსწავლეებმა დიდი სიხარულით დაიწყეს, მშობლების დახმარებით ფრინველების საბუდარების გაკეთება და თავიანთ ეზოში ხეებზე განთავსება, ასევე პლასტმასის ბოთლებისაგან საკვებურებიც დაამზადეს, რომელშიც საკენკი ჩაყარეს და ისინიც ხეებზე განათავსეს.
გამოსაზამთრებელ ფრინველებზე ზრუნვა ეკოკლუბის წევრების მთავარი მიზანია, რაც მოსწავლეებში მზრუნველობითი დამოკიდებულების გამომუშავებას უწყობს ხელს. აქტივობაში აქტიურად იყვნენ ჩართული ძმები აჩიკო და ანრი მახარაძეები, რომლებიც ყოველთვის იჩენენ მზრუნველობას ფრინველების მიმართ, რომლებიც თავიანთი არსებობით ყოველთვის ალამაზებენ გარემოს და ბიომრავალფეროვნებაში მნიშვნელოვანი ადგილი უჭირავთ.
დაბა ნარუჯას სკოლის ეკოკლუბელები მიერ ზამთარში ფრინველებზე მზრუნველობა კვლავ გაგრძელდება და ყურადღებას მიადევნებენ რამდენად ხშირად ესტუმრებიან მათ გამზადებულ საბუდარებს და საკვებურებს.