ბოლო დღეებში გურიის მაღალმთიან რეგიონებში სტიქიამ მძიმე ვითარება შექმნა. დიდთოვლობის გამო ადგილობრივი მოსახლეობა მოწყვეტილი დარჩა გარესამყაროს. მათ არ აქვთ ელექტროენერგია, გაზი და ინტერნეტი, საკვების მარაგები კი იწურება. ამ რთულ სიტუაციაში ნიკო კეცხოველის სახელობის კონკურსის მონაწილე სასკოლო საზოგადოება არ დარჩენილა გულგრილი და გვერდით დაუდგა მათ, ვინც ყველაზე მეტად საჭიროებს დახმარებას.
26-27 თებერვალს კახეთში, სოფელ ზემო მაჩხაანის საჯარო სკოლაში გაიმართა მასშტაბური ჰუმანიტარული აქცია. სკოლის დირექციამ, მასწავლებლებმა, მშობლებმა და მოსწავლეებმა დიდი ენთუზიაზმით მოაგროვეს სურსათი, თბილი ტანსაცმელი და პირველადი საჭიროების ნივთები. მათ ერთობლივი ძალისხმევით უზრუნველყოფილი იქნა დახმარების სწრაფი გაგზავნა გურიაში, სტიქიისგან დაზარალებულ ოჯახებთან. ეკოკლუბი და მათი წევრები განსაკუთრებულად აქტიურად ჩაერთნენ ამ პროცესში.
"გურია ჩვენი ოჯახის ნაწილია და დღეს ჩვენ, ზემო მაჩხაანის საზოგადოებამ, კიდევ ერთხელ დავამტკიცეთ, რომ ერთად შეგვიძლია სითბოსა და იმედის გაზიარება" - ამბობენ ზემო მაჩხანელი ეკოკლუბელები.