22 თებერვალს, ზუგდიდის მუნიციპალიტეტის სოფელ შამგონის საჯარო სკოლის ეკოკლუბელების მიერ განხორციელდა გარემოსდაცვითი აქტივობა. მისი მიზანი გახლდათ, სისტემატიურად გარემოზე ზრუნვის უნარის ჩამოყალიბება. კერძოდ, ეკოკლუბელებმა დასუფთავეს მდინარე ენგურის გარკვეული მონაკვეთი და სანაპირო. როგორც მოგეხსენებათ სოფელი შამგონა წარმოადგენს კუნძულს, რომელსაც ირგვლივ მდინარე ენგური უვლის და ესაზღვრება აფხაზეთს. ისინი ხშირად მართავენ მსგავს გარემოსდაცვით აქციებს მდინარე ენგურის სხვადასხვა ლოკაციებზე.

ეკოკლუბელებმა წინასწარ დაიჭირეს თადარიგი. მათ მოიმარაგეს ხელთათმანები და მეორადი ტომრები. ზემოთ აღნიშნული ტერიტორია გაასუფთავეს ნარჩენებისაგან. მათ შორის ძირითადად იყო პოლიეთილების ბოთლები და პარკები. ეკოკლუბელებმა შეგროვებული ნარჩენები სანაგვე კონტეინერში განათავსეს, რომელიც მდინარიდან არც თუ ისე ახლო მანძილზეა განთავსებული. 

ეკოკლუბელების აზრით, მათ გარკვეული წვლილი შეიტანეს მდინარე ენგურისა და შავი ზღვის ეკოსისტემების დაცვაში. მათთვის ცნობილი გახლდათ, ის ფაქტიც რომ შემდგომ დღეებში ამინდი მკვეთრად გაუარესდებოდა. როდესაც მდინარე დიდდება მას თან მიაქვს სანაპიროსთან არსებული ნარჩენებიც.

ეკოკლუბელებს დაგეგმილი აქვთ მსგავს აქციებში მოსახლეობის ჩართვაც, რომელსაც მიაღწევენ შესაბამისი ქმედებებითა და აქტივობებით.