დედოფლისწყაროს ა(ა) იპ წმინდა მეფე ვახტანგ გორგასლის სaხელობის სკოლა-ინტერნატი ნიკო კეცხოველის სასკოლო კონკურსში პირველად ჩაერთო
სკოლის ეკოკლუბმა "ეკოლოგები" მოამზადა პრეზენტაცია "ნიკო კეცხოველის სასკოლო პროექტი 2022". ჯგუფის წევრებმა ისაუბრეს ნიკო კეცხოველის ბიოგრაფიასა და შემოქმედებაზე. პრეზენტაცია წარუდგინეს ამავე სკოლის მეხუთე კლასის მოსწავლეებს.
ეკოკლუბის ყველა წევრი აქტიურად იყო ჩართული პრეზენტაციის მომზადებაში. მათ მოიძიეს ინფორმაცია კონკურსზე და დახატეს ნიკო კეცხოველის პორტრეტები. მეხუთე კლასის მოსწავლეები დაინტერესდნენ კონკურსით და გამოთქვეს სურვილი, რომ აქტიურ მონაწილეობას მიიღებენ როგორც სასკოლო, ასევე საკლასო ღონისძიებებში.