ირაკლი აბაშიძის სახელობის ქალაქ ხონის N3 საჯარო სკოლაში ეკოკლუბის წევრების ინიციატივით მოეწყო გამწვანების აქცია. მათ მიერ მიტანილი სხვადასხვა მცენარის ნერგებით იქნა გამრავალფეროვნებული სკოლის ფლორა.
მოსწავლეთა შორის აღნიშნულმა აქციამ დიდი ინტერესი და ხალისი გამოიწვია. ენთუზიაზმი გადამდები აღმოჩნდა სასკოლო საზოგადოების სხვა წევრებისთვისაც, რაც გამოიხატა იმაში, რომ გაჩნდა ინიციატივა ეს არ იყოს ერთჯერადი აქცია. დაიგეგმა მომავალი აქტივობები და მათი განხორციელების ვადები.
აღნიშნული აქტივობით მოსწავლეებმა თავისი წვლილი შეიტანეს დედამიწის ეკოსისტემების გამრავალფეროვნებასა და გაუმჯობესებაში. მათ შეძლეს გაეცნობიერებინათ რამდენად მნიშვნელოვანია მწვანე დედამიწა ადამიანებისათვის მათი სიცოცხლისა და ჯანმრთელობისათვის. თეორიული ცოდნა, რომელსაც ისინი საგაკვეთილო პროცესებზე იძენენ გაამყარეს პრაქტიკული უნარ-ჩვევებით. რაც სწორ ღირებულებებსა და ფასეულობებს ნერგავს მომავალ თაობაში.