გარემოს დაცვის საერთაშორისო დღეს ზუგდიდის ეკოჰაბში სხვადასხვა აქტივობა განხორციელდა. ნიკო კეცხოველის სასკოლო კონკურსში მონაწილე აქტიური მოსწავლეების, მათ შორის ხობის მუნიციპალიტეტის სოფელ ხეთის საჯარო სკოლის ეკო კლუბ „ტყის მცველნი“-ს წევრების ჩართულობით ქალაქ ზუგდიდის ცენტრალურ პარკში ახალგაზრდებისთვის ეკოვიქტორინა ჩატარდა.
ეკოვიქტორინის მთავარი თემა გარემოს პლასტიკით დაბინძურება იყო. გამოვლინდა სამი გამარჯვებული რომელთაც სიმბოლური პრიზები გადაეცათ. ეკოჰაბში ფილმის „პლანეტა დედამიწა“ ჩვენება-განხილვაც გაიმართა.