1 მარტს კახეთში, ქალაქ დედოფლისწყაროს N2 საჯარო სკოლის ეკოკლუბ "შექმენი მომავლის" წევრებმა გამწვანების აქცია მოაწყვეს.
გაზაფხულის პირველი დღის დადგომის აღსანიშნავად დედოფლისწყაროელმა ეკოკლუბელებმა გადაწყვიტეს ხეების დარგვა და პატარა ლაშქრობა მუნიციპალიტეტის ე.წ "სანიაოსთან".
ბავშვებმა სახლიდან მიიტანეს ნერგები, რათა წინასწარ მონიშნულ გარკვეულ ტერიტორიაზე დაერგოთ და იქაურობა გაემწვანებინათ.
დედოფლისწყაროს N2 სკოლის მოსწავლეები ამბობენ, რომ ყოველ კვირას აპირებენ მუნიციპალიტეტის სხვადასხვა ტერიტორიის გამწვანებას. არდადაგების პერიოდშიც კი შეუსვენებლად გააგრძელებენ ამ საქმიანობას.