შიდა ქართლში, კონფლიქტის ზონის მოსაზღვრედ, ერგნეთ-მამისაანთუბნის საჯარო სკოლის ეკოკლუბმა ,,ლიახვმა" ერთ-ერთ შიდა შეხვედრაზე სკოლის მიმდებარე ტერიტორიების დასუფავების იდეა წამოაყენა და სულ მალე ეკოკლუბელებმა ერგნეთის სკოლის სხვა მოსწავლეებთან ერთდ განახორციელეს სკოლის მიმდებარე ტერიტორიის დალაგება.
ამ პროცესში ასევე მონაწილეობა მასწავლებლებმაც მიიღეს. სკოლის ტერიტორიიდან ბავშვებმა გაიტანეს საკმაო რაოდენობის ნარჩენი და არასასურველი ნივთები. მოსწავლეებმა ასევე იზრუნეს გამწვანებასა და ლანდშაფტის მოწესრიგებაზე. ბოლოს კი დარგეს ყვავილები.
სკოლის გუნდმა ასევე იზრუნა ნარჩენების სწორად გამოყენებაზეც. მეორადი საბურავებისგან გააკეთეთს ყვავილების ერთგვარი ქოთნები და მათ რეგულარულად გამოიყენებენ.