გორის N12 სკოლის ეკოკლუბის და სოფელ ხურვალეთის სკოლის ეკოკლუბის მოსწავლეებმა გამართეს ერთობლივი ღონისძიება, რომელიც ვირუსული ინფეციებისგან თავის დაცვას შეეხებოდა. ორი სკოლის მოსწავლეებმა ერთობლივად შექმნეს ბუკლეტი, რომელშიც სიცოცხლისათვის საშიში ვირუსების შესახებ ინფორმაციას მოიცავდა და ეს მოსახლეობას გარკვეულ ცოდნას შესძენდა.
ბუკლეტის ძირითადი გზავნილი იყო: "როგორ დავიცვათ თავი ვირუსებისგან და ავირიდოთ პანიკა". რადგან დღეს მოსახლეობა მართლაც პანიკას განიცდის კორონა ვირუსთან დაკავშირებით. ბუკლეტზე შემდეგი ინფორმაიცა განათავსეს: რა არის ვირუსული ინფექციები, რა სიმპტომებით გამოირჩევა და რა ზომებს უნდა მივმართოთ მისგან თავდასაცავად და როგორ უნდა მოვიხმაროთ პირბადე.
ორივე სკოლის მოსწავლეებმა გადაინაწილეს სამუშაო. გორის N12 სკოლის ეკოკლუბის წევრები ქალაქის მასშტაბით გავიდნენ ბუკლეტების გასავრცელებლად, ხურვალეთის მოსწავლეებმა კი გორის ავტოსადგურის ტერიტორიაზე მოსახელობას და მოვაჭრეებს დაურიგეს.