აჭარში, ხულოს მუნიციპალიტეტის სოფელ დანისპარაულის საჯარო სკოლის ეკოკლუბმა "გოდერძიმ" მოაწყო დასუფთავების აქცია, რომელიც მოიცავდა სოფელში არსებულ საავტობუსო მოსაცდელების მიმდებარე ტერიტორიას.
ამ დასუფთავების აქციის მიზანი იყო სოფელში არსებული მოსაცდელების მიმდებარე ტერიტორიის ნარჩენებისაგან გაწმენდა და ტურისტული სეზონისთვის მომზადება.
ეკოკლუბი "გოდერძი" იმედს გამოთქვამს, რომ ეს აქტივობა მაგალითი იქნება ადგილობრივებისა თუ მოსწავლეებისთვის, რათა თანდათან შემცირდეს გარემოს დაბინძურება და საცხოვრებელი არეალი ყველასთვის მიმზიდველი გახდეს.