ევროპის ტყეები ხანძარმა მოიცვა. პორტუგალიის შემდეგ, ხანძარი ესპანეთის ტყის მასივსაც გაუჩნდა. მოგერის მინიციპალიტეტში ხანძარმა ასობით ჰექტარი ფართობი გაანადგურა.
ხანძარს 11 ვერტმფრენი და 12-ზე მეტი სახანძრო-სამაშველო ბრიგადები აქრობენ. ხანძრის ლოკალიზებას ხელს უშლის ქარის მიმართულება.
"ჩვენ ქარის მიმართულების ცვლილებას ველოდებით, რომელმაც შესაძლოა ცეცხლი გაამძაფროს",-ამბობს მთავრობის წარმომადგენელი ანდალუსიაში ანტონიო სანსი.
ესპანეთის საგანგებო სამსახურის ცნობით, ევაკუირებული ადამიანებიდან 750-მდე ადამიანი დროებით სპორტ-დარბაზებში განათავსეს.
მოძალებულმა ცეცხლმა დონიანის ეროვნულ ტყე-პარკშიც შეაღწია. ინფორმაცია მსხვერპლის შესახებ ამ დრომდე არ გავრცელებულა.