2019 წლის 15 ოქტომბერს დედოფლისწყაროს მუნიციპალიტეტის სოფელ არხილოსკალოს საჯარო სკოლის ეკოკლუბი ,,მარადმწვანე", რომლის დევიზია - ,,უკეთესი მომავლისთვის", ჩაერთო ნიკო კეცხოველის სასკოლო პრემია 2020-ში.
აღნიშნული კლუბის შექმნამ დიდი ინტერესი გამოიწვია სასკოლო საზოგადოებაში. ამიტომ ეკოკლუბის წევრებმა 2019 წლის 18 ოქტომბერს ჩაატარეს შეხვედრა /სემინარი სკოლის დაინტერესებულ პირებთან, მოსწავლეთა თვითმმართველობის წარმომადგენლებთან.
განსაკუთრებული ინტერესი გამოიწვია ნიკო კეცხოველის ბიოგრაფიამ და ტიტულებმა. მიიღეს ამომწურავი პასუხები კითხვებზე: რა არის მდგრადი განვითარება?, რას ნიშნავს თანამშრომლობა მდგრადი განვითარების მიზნებისთვის?, რა გეგმები აქვს ,,მარადმწვანეს"? და ა. შ.
მოსწავლეებმა გამოთქვეს სკოლის ეკოკლუბის მხარდამჭერი ჯგუფის შექმნის სურვილი.