GLOBE (გლობალური სწავლა და დაკვირვება გარემოს სასარგებლოდ) არის საერთაშორისო სამეცნიერო და საგანმანათლებლო პროგრამა, რომელიც ფოკუსირებულია სამეცნიერო წიგნიერების ხელშეწყობასა და გარემოსდაცვითი საქმიანობით დაინტერესებულ ადამიანებს შორის კავშირების დამყარებაზე.
მოსწავლეები აკვირდებიან გარემოს GLOBE პროტოკოლების მიხედვით, დაკვირვებისა და გაზომვის სტანდარტული მეთოდებით.
პროტოკოლი და აქტივობა შეიძლება შეირჩეს სკოლის პირობებიდან გამომდინარე (რა ასაკის არიან მოსწავლეები, არის თუ არა ახლომახლო მცენარეულობა, მდინარე ან ტბა და ა.შ.)
პროტოკოლებთან ერთად, ყოველწლიურად იგეგმება და ხორციელდება სხვადასხვა საინტერესო კამპანია, პროექტი, კონკურსი, შეხვედრები NASA-ს მეცნიერებთან და ა.შ.
ქულების დაგროვება ნიკო კეცხოველის სასკოლო პრემიის წესებიდან გამომდინარე შეგიძლიათ სექტემბრიდან-მაისის ჩათვლით, თუმცა GLOBE-ის აქტივობებში ჩართვა, სურვილისამებრ, მთელი წლის განმავლობაშია შესაძლებელი.
GLOBE-ის შესახებ დეტალური ინფორმაცია იხილეთ თანდართულ დოკუმენტში.
