×

ძვირფასო მონაწილეებო, აქტივობების დაგეგმვისას, გთხოვთ, გაითვალისწინოთ ქვეყანაში არსებული ეპიდვითარება.

მოგიწოდებთ, უპირატესობა მიანიჭოთ ონლაინ რეჟიმში განხორციელებად იდეებს.

ფიზიკურ გარემოში ჩასატარებელი აქტივობის არჩევის შემთხვევაში, გთხოვთ, ზედმიწევნით დაიცვათ განათლების სამინისტროს მიერ მოწოდებული რეგულაციები.

იხილეთ კონკურსის გზამკვლევი ქართულ, აზერბაიჯანულ და სომხურ ენებზე

ნებისმიერი კითხვის შემთხვევაში, შეგიძლიათ, მოგვწეროთ კონკურსის ოფიციალურ ფეისბუქ ჯგუფში ან დაუკავშირდეთ თქვენი რეგიონის კოორდინატორს.

გისურვებთ ჯანმრთელობასა და მრავალ წარმატებას!

ახალგაზრდები მდგრადი განვითარებისათვის

CENN ავსტრიის თანამშრომლობა განვითარებისათვის (Austrian Development Cooperation) ფინანსური მხარდაჭერით, პროექტის ტყის მდგრადი მართვა სოფლის განვითარებისათვის ფარგლებში აცხადებს საგრანტო კონკურსს ახალგაზრდები მდგრადი განვითარებისათვის.

საგრანტო კონკურსის მიზანია ტყის რესურსების მდგრადი გამოყენებისა და სოფლის განვითარების საკითხებზე ახალგაზრდების, განსაკუთრებით კი მოწყვლადი ჯგუფების – შშმ პირების, ეთნიკური და რელიგიური უმცირესობების, იძულებით გადაადგილებული პირების, ეკომიგრანტების ცნობიერების ამაღლება და, ამ მიმართულებებში მათი უშუალო მონაწილეობის ხელშეწყობა.

 

საგრანტო კონკურსში მონაწილეობის უფლება აქვს შემდეგ სუბიექტებს:

1. ახალგაზრდული საინიციატივო ჯგუფები და ეკოკლუბები (სკოლის სახელით);

2. საჯარო სკოლები, ბავშვთა თავშესაფრები, დღის ცენტრები;

3. არასამეწარმეო (არაკომერციული) იურიდიული პირები (არასამთა ვრობო ორგანიზაცია, ასოციაცია, ფონდი და ა.შ);

4. პროფესიული საგანმანათლებლო დაწესებულებები.

 

საგრანტო კონკურსის “ახალგაზრდები მდგრადი განვითარებისთვის” დეტალური სახელმძღვანელო იხილეთ: https://cutt.ly/cymfccf

 

საგრანტო კონკურსში მონაწილეობის მისაღებად საჭირო დოკუმენტები იხილეთ გზამკვლევში