ტყის საერთაშორისო დღის აღსანიშნავად, გარემოს დაცვისა და სოფლის მეურნეობის სამინისტროს ეროვნული სატყეო სააგენტოს ინიციატივითა და სსიპ ტყიბულის მუნიციპალიტეტის სოფელ გელათის საჯარო სკოლის ეკოკლუბ „მწვანე პლანეტის“ აქტიური ჩართულობით, სოფელ გელათის საჯარო სკოლაში საინფორმაციო შეხვედრა გაიმართა.

ღონისძიებაში მონაწილეობა მიიღო სსიპ ავთანდილ დეკანოიძის სახელობის ქალაქ ქუთაისის #32 საჯარო სკოლის ეკოკლუბ „ახალი სხივის“, წევრებმაც, რომლებმაც არა მხოლოდ საინფორმაციო შეხვედრას დაუჭირეს მხარი, არამედ სკოლის ეზოში მათი სახელობის ხეც დარგეს, როგორც ეკოლოგიური პასუხისმგებლობის სიმბოლო. 

ინიციატივას შეუერთდნენ ქუთაისის დღის ცენტრის – „ჯადოსნური სამყაროს“ დაუნის სინდრომის მქონე ბავშვებიც, რამაც ღონისძიებას ინკლუზიური და სოციალური პასუხისმგებლობის კომპონენტი შემატა.

ეკოკლუბ „ახალი სხივის“ მონაწილეობა განსაკუთრებული მნიშვნელობის იყო, რადგან მათი ჩართულობა აჩვენებს, რომ გარემოსდაცვითი ცნობიერება და აქტიური მოქალაქეობრივი პასუხისმგებლობა სკოლის ასაკიდან უნდა ვითარდებოდეს. მათი საქმიანობა ხაზს უსვამს იმას, რომ ახალგაზრდობა მნიშვნელოვან როლს ასრულებს ტყის დაცვასა და მდგრადი გარემოს შენარჩუნებაში. გარდა ამისა, ,,ახალი სხივის'' წრმომადგენლებმა ინტერვიუები ჩამოართვეს სტუმრებსა და უახლოეს მომავალში ტყის საერთაშორისო დღის შესახებ სიუჟეტიც გაზიარდება სკოლების სოციალურ ქსელებზე.

ღონისძიებას დაესწრნენ გარემოს დაცვისა და სოფლის მეურნეობის მინისტრის მოადგილე კახა კაკაბაძე, ქალაქ ტყიბულის მერი დავით ჩერქეზიშვილი, ადგილობრივი თვითმმართველობის წარმომადგენლები, ასევე CENN-ის წარმომადგენელი – ნიკო კეცხოველის სასკოლო პრემიის რეგიონალური კოორდინატორი მაია კეზევაძე.

ტყის საერთაშორისო დღის აღნიშვნის მთავარი მიზანია ახალგაზრდების გარემოსდაცვითი ცნობიერების ამაღლება და ეკოსისტემების დაცვისკენ მათი აქტიური ჩართულობის წახალისება