რა არის ეროვნული აგრარული ოლიმპიადა NAO

ოლიმპიადის მთავარი იდეა არის მონაწილეთა ცოდნის შემოწმება და წარმოჩენა ტესტირების საშუალებით. ტესტირებაზე ნაჩვენების შედეგების მიხედვით მოხდება გამარჯვებულების გამოვლენა, დაჯილდოება და მათი პოპულარიზაცია-წარმოჩენა ეროვნულ დონეზე.

ოლიმპიადის პირველ ტური იქნება დისტანციურად, ხოლო მეორე კონკრეტულ ლოკაციაზე.

მეორე ტურის დასრულების შემდეგ გამოვლინდება 3 გამარჯვებული

NAO-ს წესები და ეტაპები

მომზადდა ტესტები, სადაც წარმოდგენილია განსაზღვრული რაოდენობის ტესტ-კითხვები ოთხი სავარაუდო პასუხით (სამი არასწორი და ერთი სწორი).

ტესტის კითხვები დაყოფილია სამ კატეგორიად: მარტივი, საშუალო და რთული. მარტივი კატეგორიის ტესტებზე სწორი პასუხი ფასდება 1 ქულით, საშუალო სირთულის ტესტებზე - 2 ქულით, ხოლო რთული კატეგორიის კითხვაზე სწორი პასუხი 3 ქულით ფასდება.

ოლიმპიადა ჩატარდება სამ ეტაპად:

პირველი ეტაპი მოიცავს მონაწილეთა რეგისტრაციას. ამასთან, ნებისმიერ დაინტერესებულ პირს საშუალება ექნება დარეგისტრირდეს სპეციალურ პლატფორმაზე, მიუთითოს საკუთარი სტატუსი რეგისტრაციის მომენტისათვის (ფერმერი, სტუდენტი, ექსპერტი/სპეციალისტი, მოსწავლე) და გაეცნოს დეტალურ ინფორმაციას ტესტირების წესების, მოთხოვნებისა და პირობების შესახებ, ასევე გაიაროს სავარჯიშო ტესტები და გამოსცადოს საკუთარი შესაძლებლობები.

მეორე ეტაპი ითვალისწინებს ტესტირებას ონლაინ ფორმატში. დარეგისტრირებულ მონაწილეებს ტესტირება ჩაუტარდებათ მათ მიერ წინასწარ შერჩეული სასოფლო-სამეურნეო დარგების შესაბამისად.

მეორე ეტაპზე, თითოეული დარგის მიხედვით, შეირჩევა 10-10 საუკეთესო შედეგის მქონე მონაწილე.

მესამე ეტაპზე შერჩეულ კანდიდატებს ჩაუტარდებათ ტესტირება ელექტრონულად, აგროტესტირების პლატფორმის ან დაბეჭდილი ტესტების გამოყენებით.

საბოლოო გამარჯვებულები, დარგების მიხედვით, გამოვლინდებიან მიღებული ქულების მიხედვით. თითოეულ დარგში გამოვლინდება 3 (I, II, III ადგილი) გამარჯვებული მითითებული სტატუსის შესაბამისად (სპეციალისტი/ექსპერტი, ფერმერი, სტუდენტი, მოსწავლე).

გაეცანით: 5 რჩევა მონაწილეობის მსურველებს

პირველი ტური მოსწავლეებისათვის ტარდება 28 ივნისს

სატესტო ტესტირება, სავარჯიშო, ტარდება დღეს, 13:30 - 13:40 საათზე.

ოლიმპიადაში მონაწილეობა 20 ნერგს მოუტანს ეკოკლუბს, შესაბამისი დამადასტურებელი მასალის ატვირთვის შემთხვევაში (მდგრადი განვითარების მიზანი 4 - ხარისხიანი განათლება).

ეკოკლუბებს მოვუწოდებთ, შეძლებისდაგვარად, ყველა მონაწილემ მიიღოს მონაწილეობა, რაკი ეს ზრდის გამარჯვების და ლეპტოპის მოგების შანსებს. თუმცა, ნერგების რაოდენობა მონაწილეები პროპორციულად არ გაიზრდება და დარჩება 20 ნერგი.

მონაწილეების სახელების გადამოწმებას შევძლებთ NAO-ს ბაზაში.