×

ძვირფასო მონაწილეებო, აქტივობების დაგეგმვისას, გთხოვთ, გაითვალისწინოთ ქვეყანაში არსებული ეპიდვითარება.

მოგიწოდებთ, უპირატესობა მიანიჭოთ ონლაინ რეჟიმში განხორციელებად იდეებს.

ფიზიკურ გარემოში ჩასატარებელი აქტივობის არჩევის შემთხვევაში, გთხოვთ, ზედმიწევნით დაიცვათ განათლების სამინისტროს მიერ მოწოდებული რეგულაციები.

იხილეთ კონკურსის გზამკვლევი ქართულ, აზერბაიჯანულ და სომხურ ენებზე

ნებისმიერი კითხვის შემთხვევაში, შეგიძლიათ, მოგვწეროთ კონკურსის ოფიციალურ ფეისბუქ ჯგუფში ან დაუკავშირდეთ თქვენი რეგიონის კოორდინატორს.

გისურვებთ ჯანმრთელობასა და მრავალ წარმატებას!

თბილისის N51 სკოლის ეკოკლუბი სოციალურად დაუცველ ოჯახს დაეხმარა (ვიდეო)

გალაკტიონ ტაბიძის სახელობის თბილისის 51-ე საჯარო სკოლის სხვადასხვა კლასის მოსწავლეები და “გუნდი 51”-ის წევრები ეწვივნენ მაღრაძეების მრავალშვილიან ოჯახს. სამწუხაროდ ამ ოჯახს აქვს სოციალურად ძალიან მძიმე სიტუაცია და სჭირდება დახმარება. მათთვის მოსწავლეებმა მშობლებმა და მასწავლებლებმა შეაგროვეს სხვადასხვა პროდუქტი და ტანისამოსი.

როგორც ეკოკლუბელები გვატყობინებენ, ამ აქციის შემდეგ მოსწავლეები წამოვიდნენ ემოცურად დათრგუნულები და სევდიანები, მაგრამ ისინი აპირებენ, რომ კვლავ გააგრძელონ მსგავსი აქტივობები და რაც შეიძლება მეტ ოჯახს დაეხმარონ.

“გუნდ 51”-ს დიდი იმედი აქვს, რომ ამ გზით საზოგადოება მიიღებს მათ მცირე გზავნილს, რათა ერთად აღმოვფხვრათ სიღარიბე!